تالدىقورعان. قازاقپارات - ايدىن ايىمبەتوۆتىڭ ءساتتى ۇشۋى قازاقستان ءۇشىن عارىش جىلناماسىنىڭ جاڭا پاراقشاسىن اشتى. ءبىزدىڭ جەرلەسىمىز بەسىنشى عارىش باعدارلاماسىنىڭ تاجىريبەلەرىن تابىستى وتكىزدى. ال ونىڭ عارىشقا ساپارى ءبىزدى ۇلى ماقسات - بولاشاعى ءبىرتۇتاس ەل ماقساتىنا جەتەلەيتىن جاڭا جەتىستىككە اينالدى، دەپ حابارلادى «قازاقپارات» تىلشىسىنە وبلىس اكىمى اماندىق باتالوۆ.
ونىڭ ايتۋىنشا، قازاقستان رەسپۋبليكاسى الەمنىڭ عارىش دەرجاۆالارىنىڭ قاتارىنا كىردى. ءوز عارىشكەرلەرىن ۇشىرۋ مۇمكىندىگى بار ەلدەر كوپ ەمەس. ەل پرەزيدەنتىنىڭ بۇيرىعىمەن عارىشكەر ايدىن ايىمبەتوۆكە «حالىق قاھارمانى» جوعارى اتاعى بەرىلدى.

«عارىشقا ۇشۋ ەل ءۇشىن اتاۋلى ۋاقىت، قازاقستان حالقى اسسامبلەياسىنىڭ 20 جىلدىعى مەن قازاق حاندىعىنىڭ 550 جىلدىعىن تويلاۋ كەزىندە ءوتتى. ال «سويۋز تما-18م» زىمىران-تاسىعىشىنىڭ ۇشىرىلۋى بايقوڭىرداعى اتاقتى «گاگارين ستارتىندا» 500ء-شى ۇشىرۋ بولدى.

2 قىركۇيەكتىڭ تاڭى قازاقستان تاريحىنا جازىلعان. بايقوڭىر عارىش ايلاعىنان «سويۋز تما-18م» ۇشتى. ول تالدىقورعاندىق ايدىن ايىمبەتوۆ، رەسەي عارىشكەرى سەرگەي ۆولكوۆ، دانيا استروناۆتى اندرەاس موگەنسەندى وربيتاعا جەتكىزدى. بۇل ءساتتى بۇكىل ەل نازارىندا بولدى. اسىرەسە، قازاقستاندىق عارىشكەردىڭ جەرلەستەرى ەرەكشە نازار سالدى. «جاستار» سپورت سارايىنا ونداعان مىڭ شاتتانعان ادامدىڭ بۇعان دەيىن وسىنداي بارۋىن ەشكىم ەسكە تۇسىرە الماي وتىر. جۇلدىزداردى باعىندىرۋشىلارمەن كەزدەسۋگە بارلىعى باردى. تۇرعىنداردىڭ وتىنىشىمەن كورشى اۋدانداردىڭ اكىمدىكتەرى نيەت بىلدىرگەن ادامداردىڭ عارىشكەردى كورۋى ءۇشىن اۆتوبۋستار ءبولدى. بۇل ءبىزدىڭ حالقىمىزدىڭ بىرلىگى مەن نىعايۋىنىڭ كورىنىسى ەمەس پە؟» - دەدى وبلىس اكىمى.

«تالدىقورعان اۋەندەرى» فولكلورلىق-ەتنوگرافيالىق ءانسامبلىنىڭ ايىمبەتوۆكە ارناپ شىرقاعان «عارىشكەر ايدىن» ءانى ونىڭ ءىسىن بولاشاق ۇرپاققا نناسيحاتتاۋ، دەپ اتاپ ءوتتى اماندىق باتالوۆ. 

دەرەككوز: قاز اقپارات