پەتروپاۆل. قازاقپارات  - 19 قازاندا قازاقستاندا ازاماتتىق قورعانىس قىزمەتتەرىنىڭ قۇرىلعانىنا 20 جىل تولدى. سولتۇستىكقازاقستاندىق قۇتقارۋشىلاردى وسىناۋ  كاسىبي مەرەكەلەرىمەن وبلىس اكىمى ەرىك سۇلتانوۆ قۇتتىقتادى. بۇل تۋرالى ءوڭىر باسشىسىنىڭ باسپا ءسوز قىزمەتى حابارلادى.
وبلىس اكىمى تج قىزمەتكەرلەرىنىڭ كومەككە ءبىرىنشى بوپ جەتەتىن ەرەكشە  ميسسياسىن اتاپ ءوتتى.

«سىزدەر ادام ءومىرىن ساقتاپ قالۋ ءۇشىن بار كۇش-جىگەر، بىلىمدەرىڭىزدى جۇمسايسىزدار. كۇندەلىكتى ەڭبەكتەرىڭىزبەن ەل حالقىن، اۋماقتى تابيعي جانە تەحنوگەندىك سيپاتتاعى توتەنشە جاعدايلاردان قورعاۋ سالاسىنداعى مەملەكەتتىك ساياساتتى ىسكە اسىرۋدى قامتاماسىز ەتىپ كەلەسىزدەر. قىزمەتتىك مىندەتتەرىڭىزدى ادال اتقارىپ، ەرلىك كورسەتكەندەرىڭىز ءۇشىن العىس بىلدىرەمىن. شىن جۇرەكتەن وتباسىلىق باقىت، مىقتى دەنساۋلىق، باقىت تىلەيمىن، اۋىر دا ىزگى ىستەرىڭىزگە تابىستار تىلەيمىن»، - دەپ قۇتتىقتادى ول.

وبلىستىڭ ورتكە قارسى قىزمەت ورگاندارىندا كاسىبيلىك تانىتىپ، ادال ەڭبەك ەتكەنى ءۇشىن ءارى ازاماتتىق قورعانىس ورگاندارىنىڭ قۇرىلعانىنا 20 جىل تولۋىنا وراي وبلىس اكىمىنىڭ قۇرمەت گراموتاسىن ءۇش سولتۇستىكقازاقستاندىق يەلەندى، تاعى تورتەۋى العىس حات الدى.

ق ر ىشكى ىستەر ءمينيسترىنىڭ اتىنان «قازاقستان رەسپۋبليكاسى ىشكى ىستەر مينيسترلىگى توتەنشە جاعدايلار كوميتەتىنە 20 جىل» مەدالى ازاماتتىق قورعانىستىڭ 18 قىزمەتكەرىنە جانە ارداگەرلەرىنە تابىس ەتىلدى.

سالتاناتتى جينالىس سوڭى كونسەرتتىك باعدارلاماعا ۇلاستى.

سونداي-اق مەرەكەلىك شارا اياسىندا زاماناۋي قۇتقارۋ تەحنيكالارىنىڭ بايقاۋى ءوتتى. وعان وبلىس اكىمى دە قاتىستى.

بۇگىن سقو تجد-دە 927 ادام قىزمەت ەتەدى. جىل باسىنان باستاپ 126 ادام ءومىرى قۇتقارىلدى، 1300-دەن استام ادام ەۆاكۋاسيالاندى. وتكەن 9 ايدا دەپارتامەنت قىزمەتكەرلەرى 1500 شاقىرتۋعا شىقتى.

دەرەككوز: قازاقپارات