ءماجىلىس دەپۋتاتى اسحات ايماعامبەتوۆ قازاقستان مەكتەپتەرىندەگى قاۋىپسىزدىكتى كۇشەيتۋ قاجەتتىگىن ايتىپ وتىر.
دەپۋتات تelegram-داعى پاراقشاسىنداعى جازباسىندا بىرنەشە جىل بۇرىن قۇقىق قورعاۋ ورگاندارىنىڭ باستاماسىمەن مەكتەپتەردەگى ۆاحتەرلەردىڭ ورنىنا كاسىبي كۇزەت ۇيىمدارى ەنگىزىلگەنىن ەسكە سالدى.
راسىندا، جاسى كەلگەن ادامدار توتەنشە جاعدايدا دۇرىس ارەكەت ەتە المايدى دەدىك. ءبىراق… نە وزگەردى؟ اشىعىن ايتقاندا، ەشتەڭە. "ۆاحتەر" دەگەن ءسوزدى "كۇزەتشىگە" اۋىستىردىق، ال ءىس جۇزىندە كوبىنەسە سول باياعى ادامدار. كوپ جاعدايدا – جاسى الپىستان اسقان اپا-اتالار. كەيدە ءتىپتى بۇرىنعى ۆاحتەرلەردەن دە الشاق، مەكتەپتىڭ ىشكى ومىرىنەن بەيحابار. نەگە؟ سەبەبى قاراجات از. تەندەردى ەڭ ارزان باعا ۇسىنعان كومپانيا ۇتادى. ال ولار كىمدەردى جۇمىسقا الادى؟ دايىندىعى جوق، ءجيى اۋىساتىن، كەيدە بەيرەسمي تۇردە ىستەيتىن ادامداردى، - دەپ جازدى ماجىلىسمەن.
ءماجىلىس دەپۋتاتىنىڭ سوزىنشە، ۆاحتەرلەر مۇعالىمدەردى تانىمايدى، مەكتەپ رەجيمىن بىلمەيدى، وقۋشىلارمەن قالاي سويلەسۋ كەرەك ەكەنىن دە تۇسىنبەيدى.
مەكتەپ – جاي عانا عيمارات ەمەس، بۇل – بالالارىمىزدىڭ ەكىنشى ءۇيى. ال ونى قورعاۋ – جاي عانا "وتىر" دەي سالاتىن جۇمىس ەمەس. كۇزەت ۇيىمدارىنا قويىلاتىن تالاپتار دا تىم ءالسىز. جاسىنا، دەنساۋلىعىنا، كاسىبي دايىندىعىنا ناقتى تالاپ جوق. قۇجاتتا ءبىر ادام كورسەتىلەدى، ال ءىس جۇزىندە باسقا ادام جۇمىس ىستەپ جۇرەدى. ەشكىم تەكسەرمەيدى. كوبىنە ءبىر عانا كۇزەت پوستىنا اقشا بولىنەدى. ال مەكتەپتە مىڭ جارىم، كەيدە ەكى مىڭ بالا بار. كىرىپ-شىعاتىن 2-3 ەسىك، - دەپ اتاپ ءوتتى ول.
اسحات ايماعامبەتوۆ وسى ماسەلەگە قاتىستى ءبىرقاتار ۇسىنىس تاستادى:
- ىشكى ىستەر مينيسترلىگى كۇزەت ۇيىمدارىنا قويىلاتىن ليسەنزيالىق تالاپتاردى كۇشەيتۋى كەرەك؛
- ءىىم ەل بويىنشا ءبىرىڭعاي ستاندارت قابىلداۋى ءتيىس؛
- ءىىم مەكتەپتىڭ كولەمى مەن وقۋشى سانىنا قاراي كۇزەت پوستتارىنىڭ ناقتى ءنورماتيۆىن بەكىتۋى قاجەت؛
- ساتىپ الۋ تەتىكتەرى جەتىلدىرىلۋى ءتيىس.
پىكىر قالدىرۋ