ورال. قازاقپارات - «نۇرلى جول» باعدارلاماسىنا سايكەس باتىس قازاقستان وبلىسىنا 9 ملرد. استام تەڭگە ءبولىندى. وسى قارجىنىڭ جۇمسالۋى «نۇروتاندىق» دەپۋتاتتاردىڭ باقىلاۋىندا. بۇل تۋرالى وبلىستىق ءماسليحاتتاعى دەپۋتاتتىق فراكسيا وتىرىسىندا «نۇر وتان» پارتياسى وبلىستىق فيليالى ءتوراعاسىنىڭ ءبىرىنشى ورىنباسارى سەرىك سۇلەيمەن ءمالىم ەتتى.
ونىڭ ايتۋىنشا، ۇلتتىق قوردان بولىنگەن قارجىنىڭ ءتيىمدى دە ماقساتتى يگەرىلۋىنە باقىلاۋ ورناتۋ ماقساتىندا «نۇر وتان» پارتياسى ورتالىق اپپاراتىنىڭ تاپسىرماسىنا سايكەس ءتورت كوميسسيا قۇرىلىپ، جۇمىس جاساۋدا.

وتىرىستا كوميسسيا ءتوراعالارى اتقارىلعان ىستەر جونىندە بايان ەتتى. مىسالى، تۇرعىن ۇي-كوممۋنالدىق شارۋاشىلىق ماسەلەلەرى جونىندەگى كوميسسيا ءتوراعاسى الىبەك ساتبايەۆتىڭ سوزىنە قاراعاندا، بۇل باعىتتا قارجى كەستەگە سايكەس يگەرىلۋدە. شىن مانىسىندە باقىلاۋ جۇمىسىنىڭ دەپۋتاتتارعا جۇكتەلۋى حالىق قالاۋلىلارىنا دەگەن سەنىمدى كورسەتەدى.

كولىكتىك-لوگيستيكالىق ينفراقۇرىلىم ماسەلەلەرى جونىندەگى كوميسسيا جەتەكشىسى ۆالەريي گولوۋحوۆتىڭ ءمالىم ەتكەنىندەي، اي سايىن ماجىلىستەر، سونداي-اق تىكەلەي نىساندار باسىندا تاپسىرىس بەرۋشىلەرمەن جانە مەردىگەرلەرمەن  كوشپەلى وتىرىستار وتكىزىلىپ تۇرادى. بۇل باعىت بويىنشا وبلىستا ۇلتتىق قور ەسەبىنەن ءبىر نىسان (تەمىرجول وتكەلىنەن «گتەس-200» الاڭقايىنا دەيىن كىرەبەرىس جول ۋچاسكەسىن قايتا قۇرۋ) قارجىلاندىرىلۋدا. قازىرگى كەزدە ۇزىندىعى 4 كم 86 مەتر اۆتوجول قۇرىلىسى جۇرگىزىلۋدە. بۇعان ۇلتتىق قوردان 383،482 ملن. تەڭگە قارالسا، سونىڭ 339،6 ملن. تەڭگەسى يگەرىلدى. اتالمىش نىساندا 34 جۇمىس ورنى اشىلعان. بۇل نىساندى الداعى جىلى قاڭتاردا بەرۋ جوسپارلانعانىمەن، مەردىگەر قۇرىلىس-مونتاج جۇمىستارىن بيىلعى 15 قاراشادا ءبىتىرۋدى كوزدەۋدە.

جيىندا سونداي-اق بقو جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى جانبولات يمانعالييەۆتىڭ «جۇمىسپەن قامتۋدىڭ جول كارتاسى - 2020»، وبلىستىق اۋىل شارۋاشىلىعى باسقارماسىنىڭ باسشىسى مارات وڭعاربەكوۆتىڭ «اگروبيزنەس - 2020» باعدارلاماسىنىڭ جۇزەگە اسىرىلۋ بارىسى جونىندەگى ەسەپتەرى تىڭدالدى.

دەرەككوز: قازاقپارات