بۋراباي. قازاقپارات - تمد ەلدەرى پرەزيدەنتتەرى حالىقارالىق لاڭكەستىكپەن كۇرەس تۋرالى مالىمدەمە جاسايدى. بۇل تۋرالى بۇگىن اقمولا وبلىسىنا قاراستى بۋراباي كۋرورتتىق ايماعىندا باستالعان تاۋەلسىز مەملەكەتتەر دوستاستىعى مەملەكەت باسشىلارى كەڭەسىنىڭ وتىرىسى بارىسىندا ق ر پرەزيدەنتى نۇرسۇلتان نازاربايەۆ ايتتى، دەپ حابارلايدى قازاقپارات ءتىلشىسى.
«مەملەكەت باسشىلارى كەڭەسىنىڭ بۇگىنگى وتىرىسى قازاقستان رەسپۋبليكاسىنىڭ توراعالىعىمەن وتۋدە. قازاقستان تمد قۇرىلعان ساتتەن باستاپ ءبىزدىڭ ەلدەرىمىز اراسىنداعى جان-جاقتى ىنتىماقتاستىقتى جانداندىرۋدى، ىنتىماقتاستىقتى نىعايتۋ تاباندى جاقتاپ كەلەدى. بۇل پوسەڭەستىك كەڭىستىكتەگى 11 مەملەكەتتى بىرىكتىرەتىن، ءبىزدىڭ وڭىرىمىزدە بالاماسى جوق بىرەگەي امبەباپ الاڭ بولىپ تابىلادى»، - دەدى ق ر پرەزيدەنتى. ەلباسى ءوز سوزىندە بۇگىنگى شارا تمد-نىڭ دامۋىنا ءوز ۇلەسىن قوسىپ، ەلدەر اراسىنداعى ىنتىماقتاستىقتى تەرەڭدەتە تۇسۋگە ءوز ۇلەسىن قوساتىنىعىنا سەنىم ارتاتىندىعىن باسا ايتتى.
«بۇگىنگى وتىرىستىڭ كۇن تارتىبىنە 17 ماسەلە قوسىلعان. ولاردىڭ باسىم بولىگى قاۋىپسىزدىك پەن قۇقىقتىق ءتارتىپتى قامتاماسىز ەتۋ ماسەلەلەرىنە ارنالعان، حالىقارالىق كەلىسىمشارت توپتامالارىنا قول قويۋ، باعدارلامالىق قۇجاتتاردى بەكىتۋ، سونىمەن قاتار بىرىككەن ۇلتتار ۇيىمىنىڭ قۇرىلعانىنا 70 جىل تولۋىنا وراي جانە حالىقارالىق لاڭكەستىكپەن كۇرەس تۋرالى مالىمدەمە بار»، - دەدى ن.نازاربايەۆ.
جوعارى دەڭگەيدەگى وتىرىسقا ارمەنيا پرەزيدەنتى سەرج سارگسيان، بەلارۋس پرەزيدەنتى الەكساندر لۋكاشەنكو، قىرىزستان پرەزيدەنتى المازبەك اتامبايەۆ، رەسەي پرەزيدەنتى ۆلاديمير پۋتين، ازەربايجان پرەزيدەنتى يلحام الييەۆ، تاجىكستان پرەزيدەنتى ەمومالي راحمون، وزبەكستان پرەزيدەنتى يسلام كارىموۆ، مولدوۆا سىرتقى ىستەر جنە ەۋروپالىق ينتەگراسيا ءمينيسترىنىڭ ورىنباسارى اندرەي گالبۋر، تۇركىمەنستان مينيسترلەر كابينەتى ءتوراعاسىنىڭ ورىنباسارى ساتلىق ساتلىكوۆ، ۋكراينانىڭ قازاقستانداعى ىستەرىنىڭ ۋاقىتشا سەنىمدى وكىلى يۋريي لازەبنيك، تمد اتقارۋشى كوميتەتىنىڭ ءتوراعاسى - اتقارۋشى حاتشىسى سەرگەي لەبەديەۆ قاتىسۋدا.
