بۋراباي. قازاقپارات - اقمولا وبلىسىنا قاراستى بۋراباي كۋرورتتىق ايماعىندا باستالعان  تاۋەلسىز مەملەكەتتەر دوستاستىعى مەملەكەت باسشىلارى كەڭەسىنىڭ وتىرىسى بارىسىندا ق ر پرەزيدەنتى نۇرسۇلتان نازاربايەۆ بەلارۋس پرەزيدەنتىن سايلاۋداعى جەڭىسىمەن قۇتتىقتادى، دەپ حابارلايدى قازاقپارات ءتىلشىسى.
«وتىرىس باستالار الدىندا ءبارىمىز ارىپتەسىمىز ءارى دوسىمىز الەكساندر گريگوريەۆيچ لۋكاشەنكونى پرەزيدەنتتىك سايلاۋداعى ايقىن جەڭىسىمەن قۇتتىقتاپ، وعان وسىناۋ جاۋاپتى لاۋازىمدا زور دەنساۋلىق پەن تابىستار تىلەگەنىمىز دۇرىس دەپ ويلايمىن. ءسىزدىڭ باسشىلىعىڭىزبەن بەلارۋس بارلىق باعىتتاعى بىزدەردىڭ ينتەگراسيالىق پروسەسستەرىمىزدى ودان ءارى نىعايتا بەرەدى دەپ سەنەمىن»، - دەدى ق ر پرەزيدەنتى.

 سونىمەن قاتار مەملەكەت باسشىسى ا.اتامبايەۆ ارقىلى قىرعىز حالقىن 4 قازاندا پارلامەنتتىك سايلاۋدىڭ تابىستى وتىزۋىمەن قۇتتىقتادى. «بۇل ايرىقشا وقيعا. ويتكەنى، كوپتەگەن جىلداردان بەرى سايلاۋ العاش رەت تىنىش ءوتتى جانە حالىق بەيبىت مەملەكەتتە ءومىر ءسۇرۋدى قالايتىندىعىن  كەزەكتى مارتە ءوز دانالىعىمەن كورسەتتى»، - دەدى ن.نازاربايەۆ.

ايتا كەتەيىك، جوعارى دەڭگەيدەگى وتىرىسقا ارمەنيا پرەزيدەنتى سەرج سارگسيان، بەلارۋس پرەزيدەنتى الەكساندر لۋكاشەنكو، قىرىزستان پرەزيدەنتى المازبەك اتامبايەۆ، رەسەي پرەزيدەنتى ۆلاديمير پۋتين، ازەربايجان پرەزيدەنتى يلحام الييەۆ، تاجىكستان پرەزيدەنتى ەمومالي راحمون، وزبەكستان پرەزيدەنتى يسلام كارىموۆ، مولدوۆا  سىرتقى ىستەر جنە ەۋروپالىق ينتەگراسيا ءمينيسترىنىڭ ورىنباسارى اندرەي گالبۋر، تۇركىمەنستان مينيسترلەر كابينەتى ءتوراعاسىنىڭ ورىنباسارى ساتلىق ساتلىكوۆ، ۋكراينانىڭ قازاقستانداعى ىستەرىنىڭ ۋاقىتشا سەنىمدى وكىلى يۋريي لازەبنيك، تمد اتقارۋشى كوميتەتىنىڭ ءتوراعاسى - اتقارۋشى حاتشىسى سەرگەي لەبەديەۆ قاتىسۋدا. 

دەرەككوز: قازاقپارات