شىمكەنت. قازاقپارات - وڭتۇستىك قازاقستان وبلىسى اكىمدىگىنىڭ قولداۋىمەن شىمكەنتتەگى قان ورتالىعىندا «وزگەگە ءومىر سىيلا، دونور بول» اكسياسى ءوتتى.
 قان تاپسىرۋ شاراسىنا  وبلىس اكىمىنىڭ ورىنباسارى ەرلان ايتاحانوۆ «جاستار ورتالىعى» كمم-نىڭ جانىنان قۇرىلعان «بىزبەن بىرگە» ەرىكتىلەر مەكتەبىنىڭ 200-دەن اسا مۇشەسىن باستاپ باردى. قان تاپسىرىپ، وزگەگە كومەك قولىن سوزعان بەلسەندى جاستار قان ورتالىعى بەرگەن 450 تەڭگە قارجىنى قارجىنى بالالار ۇيىندەگى تاربيەلەنۋشىلەرگە كومەك رەتىندە جىبەرگەندى ءجون كوردى. 

 ءىس-شارانىڭ باستى ماقساتى - قاتەرلى دەرتكە شالدىققان جاندارعا ءۇمىت    سىيلاۋ، ولارعا قولداۋ كورسەتىپ، جاستار بويىنا مەيىرىمدىلىك پەن قامقورلىق قاسيەتىن ۇيالاتۋ. سونداي-اق، دونورلار سانىن كوبەيتۋ. بۇگىنگى تاڭدا 300-گە جۋىق قازاقستاندىق سۇيەك  كەمىستىگىن ترانسپلانتاسيالاۋعا مۇقتاج. 

 ەلىمىزدە لەيكوز اۋرۋىمەن  600-دەن استام بالا اۋىرسا، جىل سايىن ونىڭ 50-گە جۋىعى سۇيەك كەمىستىگىن ترانسپلانتاسيالاۋعا ءماجبۇر. بالانىن اۋرۋدان ساۋىعۋى ءۇشىن، كەم دەگەندە 500 دونوردىڭ كومەگى كەرەك.  دارىگەرلەردىڭ ايتۋىنشا، لەيكوز اۋرۋىمەن اۋىراتىن ناۋقاسقا قاجەتتى دونوردى تابۋ مۇمكىن بولا بەرمەيدى ەكەن. سايكەس دونور، ون مىڭ ادامنىڭ بىرەۋىنەن عانا تابىلۋى مۇمكىن دەيدى دارىگەرلەر. 

 وبلىستىق قان ورتالىعى ماماندارىنىڭ بەرگەن مالىمەتىنشە، ورتالىق قورىندا قان جەتكىلىكتى. وبلىستا كۇن سايىن 60-70 ادام ءوز ەركىمەن قان تاپسىرادى ەكەن. ال دۇنيەجۇزىلىك دەنساۋلىق ساقتاۋ ۇيىمىنىڭ اقپارىنشا، مىڭ ادامنىڭ قىرىقى قان تاپسىرسا، الەمدە قان جەتىسپەۋشىلىگى بولمايدى. سوندىقتان، دەنساۋلىعى جارامدى ءاربىر ازامات قانىن تاپسىرىپ، وزگەگە كومەك قولىن سوزۋعا اسىعۋى كەرەك. 

ايتا وتكەن ءجون، قان تاپسىرۋ اكسياسى 16 قازانعا دەيىن جالعاسادى، دەپ حابارلادى وقو اكىمىنىڭ باسپا ءسوز قىزمەتى.

وسىنداي قايىرىمدىلىق شارالارىنىڭ وتكىزىلۋى - ەلىمىزدەگى ازاماتتىق قوعامنىڭ شىنايى دامۋىنىڭ كورسەتكىشى. 

دەرەككوز: قازاقپارات