اتوم ەنەرگياسى اگەنتتىگى قازاقستاندا اەس-تىڭ ءقاۋىپسىز جۇمىس ىستەۋىنە جاۋاپتى بولاتىن مەملەكەتتىك ورگانداردى اتادى.
يادرولىق جانە رادياسيالىق قاۋىپسىزدىككە نەگىزگى قاداعالاۋدى اتوم ەنەرگياسى اگەنتتىگىنىڭ اتومدىق قاداعالاۋ جانە باقىلاۋ كوميتەتى جۇزەگە اسىرادى. ول پايدالانۋ پروسەسىندە بارلىق قاۋىپسىزدىك تالاپتارىنىڭ ساقتالۋىن ليسەنزيالاۋ، ينسپەكسيالاۋ جانە باقىلاۋعا جاۋاپتى.
ەكولوگيا جانە تابيعي رەسۋرستار مينيسترلىگى ەكولوگيالىق نورماتيۆتەردىڭ ساقتالۋىن، سونىڭ ىشىندە شىعارىندىلاردى، قالدىقتارمەن جۇمىس ىستەۋدى جانە قورشاعان ورتاعا رادياسيالىق اسەردى باقىلاۋعا الادى.
"ءوز قۇزىرەتى شەگىندە باسقا دا مەملەكەتتىك ورگاندار تارتىلاتىن بولادى: ونەركاسىپتىك قاۋىپسىزدىك، سۋ رەسۋرستارىن قورعاۋ، سانيتارلىق باقىلاۋ، توتەنشە جاعدايلار جانە باسقا باعىتتارداعى سۇراقتار بويىنشا. يادرولىق قاۋىپسىزدىك جونىندەگى حالىقارالىق ستاندارتتاردىڭ ساقتالۋىن باقىلاۋدى قازاقستان قابىلداعان حالىقارالىق مىندەتتەمەلەر اياسىندا ماگاتە جۇرگىزەدى"، – دەپ حابارلادى ۆەدومستۆو.
