كولىك ءمينيسترى مارات قارابايەۆ قىزمەتىنەن بوساتىلعاننان كەيىن، ونىڭ مىندەتىن ۋاقىتشا ۆيسە-مينيستر ماقسات قالياقپاروۆ اتقارىپ جاتىر.
پرەمەر-مينيستر ولجاس بەكتەنوۆ كولىك سالاسىنداعى ءىرى ينۆەستيسيالىق جوبالار بويىنشا كەڭەس وتكىزدى. وندا قاۋىپسىزدىك كەڭەسى وتىرىسىندا ايتىلعان پرەزيدەنت تاپسىرمالارىنىڭ ورىندالۋ بارىسى قارالدى.
"جيىندا كولىك ءمينيسترىنىڭ مىندەتىن اتقارۋشى ماقسات قالياقپاروۆ، سونداي-اق "قتج" ۇك" اق باسقارما ءتوراعاسى نۇرلان ساۋرانبايەۆ، "قازاۆتوجول" ۇك" اق باسقارما ءتوراعاسى دارحان يماناشيەۆ بايانداما جاسادى"، - دەلىنگەن حابارلامادا.
كولىك مينيسترلىگىنىڭ سايتىنداعى اقپاراتقا سايكەس، قالياقپاروۆ 2023 جىلعى 6 قازاننان بەرى ۆيسە-مينيستر قىزمەتىن اتقارىپ كەلەدى.
