استانا. قازاقپارات - ۇلتتىق اتوم كومپانياسىنىڭ باسشىسى وڭتۇستىك قازاقستان وبلىسىندا بولدى، دەپ حابارلايدى «قازاتومونەركاسىپ» ۇاك» اق باسپا ءسوز قىزمەتىنەن.
ساپار اياسىندا «قازاتومونەركاسىپ» ۇاك» اق باسقارما ءتوراعاسى اسقار جۇماعالييەۆ وڭتۇستىك قازاقستان وبلىسىنىڭ اكىمى بەيبىت اتامقۇلوۆپەن كەزدەسىپ، ەكىجاقتى ىنتىماقتاستىقتىڭ ءبىرقاتار ماسەلەلەرىن ءسوز ەتتى. كەزدەسۋدە «قازاتومونەركاسىپتىڭ» ەنشىلەس كاسىپورىندارىنىڭ قونىس اۋدارۋىنا ايرىقشا ءمان بەرىلدى.

«قازاتومونەركاسىپتىڭ» ءوندىرۋشى كاسىپورىندارى كەڭسەلەرىنىڭ كوشۋى مەملەكەت باسشىسىنىڭ تاپسىرماسى شەڭبەرىندە ىسكە اسىرىلۋدا. كەڭسەلەردىڭ قونىس اۋدارۋى ايماقتىڭ الەۋمەتتىك-ەكونوميكالىق دامۋىنا وڭ سەرپىن بەرەدى جانە كاسىپورىنداردىڭ جۇمىس تيىمدىلىگىن ارتتىرادى دەپ كۇتىلۋدە.

«ورتالىق» وك» ج ش س جانە «ينكاي» بك» ءجشس-نىڭ ورتالىق اپپاراتتارى العاشقىلار قاتارىندا وڭتۇستىك قازاقستان وبلىسىنا كوشىپ ءوتتى. اي سوڭىنا دەيىن «ءاپپاق» ج ش س، «قاراتاۋ» ج ش س، «اقباستاۋ» بك» اق جانە «زارەچنوە» بك» اق باس كەڭسەلەرى كوشۋدى اياقتايدى. 2015 جىلى شىمكەنتكە اتوم كومپانياسىنىڭ 8 ەنشىلەس كاسىپورنى قونىس اۋداراتىن بولادى.

اسقار جۇماعالييەۆ وسى كوش بارىسىندا كاسىپورىندارعا كورسەتىپ وتىرعان قولداۋى ءۇشىن وبلىس اكىمىنە العىسىن ءبىلدىرىپ، «قازاتومونەركاسىپ» ايماقتىڭ الەۋمەتتىك-ەكونوميكالىق دامۋىنا بەلسەنە قاتىساتىنىن اتاپ كورسەتتى.

ۇلتتىق اتوم كومپانياسىنىڭ باسقارما ءتوراعاسى مەموراندۋمدا بەكىتىلگەن جەرگىلىكتى ۇلەسكە قاتىستى مىندەتتەمەنىڭ 128% ورىندالعانىن حابارلادى. «قازاتومونەركاسىپ» جەرگىلىكتى كاسىپكەرلەر مەن تاۋار وندىرۋشىلەردەن 5،9 ملرد تەڭگەگە ءونىم ساتىپ الدى.

سونداي-اق ايماقتى الەۋمەتتىك-ەكونوميكالىق دامىتۋ مەموراندۋمىنا سايكەس جىل سوڭىنا دەيىن كومپانيا 12 الەۋمەتتىك نىساندى اكىمدىككە وتكىزۋدى جانە ولاردى ۇستاپ تۇرۋعا بيىل قوسىمشا 88 ملن تەڭگە ءبولۋدى كوزدەپ وتىر. سونىمەن بىرگە «قازاتومونەركاسىپ» جاڭا الەۋمەتتىك نىساندار قۇرىلىسى ءۇشىن وبلىس بيۋدجەتىنە 800 ملن تەڭگە بولەدى. 

كومپانيا مۇنىمەن شەكتەلمەي، ۋران ءوندىرۋشى وڭىرگە قولداۋ كورسەتۋدى جالعاستىرا بەرمەك. اتاپ ايتقاندا، وسى قازان ايىندا «قازاتومونەركاسىپتىڭ» ەنشىلەس كاسىپورنى قارجىسىنا سالىنىپ جاتقان سوزاق اۋدانىنىڭ تاستى اۋلىنداعى 50 ورىندىق بالاباقشا قۇرىلىسى اياقتالادى.

ساپار اياسىندا اسقار جۇماعالييەۆ ۋران كەنىشتەرىن، شىمكەنتكە كوشىپ وتكەن ەنشىلەس جانە باعىنىشتى كاسىپورىنداردىڭ اكىمشىلىك كەڭسەلەرىن ارالاپ، كاسىپورىنداردىڭ اعىمداعى قىزمەتىنە قاتىستى جەر-جەردە كەڭەستەر وتكىزدى.

دەرەككوز. قازاقپارات