الماتى. قازاقپارات - الماتى اكىمى باۋىرجان بايبەك بوستاندىق اۋدانىن ارالادى. 
باۋىرجان بايبەك ەڭ الدىمەن ۇلەسكەرلەردىڭ باستى پروبلەماسىنا اينالعان  «تاۋ كوكتەم»  تۇرعىن كەشەنىندە بولدى. نىساننىڭ قۇرىلىسى 2011 جىلى توقتاپ قالعان بولاتىن. سونىڭ كەسىرىنەن 60 ۇلەسكەر پاتەرىنە كىرە الماي ءجۇر.

قالا اكىمى قۇرىلىس كومپانياسىنا تەز ارادا جۇمىستى اياقتاۋعا تاپسىرما بەردى. ولار نىساننىڭ 2016 جىلدىڭ شىلدەسىندە پايدالانۋعا بەرىلەتىنىنە ۋادە بەردى.

تەكسەرۋ كوميسسياسىنىڭ مۇشەلەرى قۇرىلىس دەر ۋاقىتىندا اياقتالماسا جەر تارتىپ الىناتىنىن ەسكەرتتى. 

«مەملەكەتتىڭ ساياساتى بار، ق ر پرەزيدەنتىنىڭ ءتيىستى تاپسىرمالارى بار. بۇل ماسەلەنى  شەشىڭدەر جانە 25 قازانعا دەيىن ماعان نىسان تۋرالى ناقتىلى ۇسىنىس ايتىڭدار، بالاما ۆاريانتتى دا قاراستىرىڭدار»، - دەپ اتاپ ءوتتى  ب.بايبەك. 

قالا باسشىسى زۆەزدنايا كوشەسىنىڭ شىعىسىنداعى «الاتاۋ» ىقشام اۋدانىن  اباتتاندىرۋدى  قولعا الۋ كەرەكتىگىن جەتكىزدى.

اتالعان ايماقتا ءورت ءسوندىرۋ ءبولىمى، ءاىىب پۋنكتى، بازار مەن «ەتنو-اۋىل» ساياباعى،  كيىزدەن بۇيىم جاسايتىن شەبەرحانالار، كۇمىستەن جاسالعان بۇيىمداردىڭ كورمەسى جانە باسقا ۇلتتىق نىشاندى ناسيحاتتايتىن جاڭا ورىندار قۇرۋ تۋرالى ۇسىنىس ايتىلدى.   

«بۇل جەردە قانداي نىسانداردى سالۋعا بولاتىندىعى جونىندە جوبا  جاساپ، ماسەلەنى شەشۋ قاجەت. شەبەرحانالار اشىپ، ادامدارعا اقشا تابۋعا مۇمكىندىك بەرۋ كەرەك، ءبىزدىڭ ەتنيكالىق مادەنيەتىمىزدى ناسيحاتتاعان ءجون. الدىمىزدا ۋنيۆەرسيادا كۇتىپ تۇر، سوندىقتان بۇل جەر ادامدار ءجيى  كەلەتىن ورىنعا اينالۋى ءتيىس»، -  دەپ اتاپ ءوتتى  ب.بايبەك.  

شاھار باسشىسى اقساي وزەنىندە سەلگە قارسى قوندىرعى ورناتۋدى تاپسىردى. بۇل وزەننىڭ ارناسىندا كۇردەلى جوندەۋ جۇمىستارى سوناۋ 1973 جىلدان بەرى جۇرگىزىلمەگەن.  

«كوشپەلى بيۋدجەتتى جاساپ، ونى بيىل  ەنگىزۋ قاجەت. سونىمەن قاتار سەلدەن قورعايتىن قوندىرعىلار جوباسىن دا جاساۋ  كەرەك، بۇل ماسەلەنى  دەپۋتاتتاردىڭ قاراۋىنا ۇسىنعان ءجون»، - دەپ اتاپ ءوتتى ب.بايبەك. 

سونداي-اق، اكىم «اتاكەنت» كورمە كەشەنىن كۇردەلى جوندەۋدەن وتكىزۋدى ۇسىندى.   كورمە كەشەنى اۋماعىندا سپورت الاڭدارى، مەديسينالىق ورتالىق،تيميريازيەۆ كوشەسى بويىندا جەر استى گاراجدارى پايدا بولادى.

دەرەككوز. قازاقپارات