قىزىلوردا. قازاقپارات - قىزىلوردا وبلىسىنىڭ كاسىپكەرلەر پالاتاسى الاڭىندا «الەۋمەتتىك-ەڭبەك قاتىستارىنداعى مەدياسيا» تاقىرىبىندا سەمينار-ترەنينگ ءوتتى،-دەپ حابارلادى پالاتانىڭ باسپا ءسوز قىزمەتىنەن.
ايماقتىڭ بيزنەس وكىلدەرى قاتىسقان شارانى بۇۇ-نىڭ دامۋ باعدارلاماسى اياسىندا «اتامەكەن» ۇلتتىق كاسىپكەرلەر پالاتاسى ۇيىمداستىردى.

مەدياتور - بۇل سوت جۇيەسىنە جاتپايتىن جانە سوت كومەكشىسى بولىپ تابىلمايتىن كاسىبي دەلدال. مەدياتورعا جانجالداردى رەتتەۋگە ازاماتتاردىڭ وزدەرى جۇگىنەدى. ول ءوز كەزەگىندە ولاردىڭ داۋلارىن تالقىلاۋ بارىسىندا تاراپتاردى ءوز كەزەگىندە شەشىم تابۋعا كومەكتەسەدى.

 ايتا كەتۋ كەرەك، قىزىلوردادا مەدياتورلىق ينستيتۋت كەنجە دامىعان. ۇيىمداستىرۋشىلاردىڭ شارانى وتكىزۋدەگى ماقساتى ايماقتا بىتىمگەرشىلىك ينستيتۋتىن دامىتۋ ءۇشىن قىزىلوردالىقتاردى كەڭىنەن اقپاراتپەن قامتاماسىز ەتۋ. ال كاسىپكەرلەر پالاتاسىنىڭ الاڭىندا وتكىزۋدەگى ماقسات - بيزنەس وكىلدەرىنىڭ وزەكتى ماسەلەلەرىن سوت پروسەسىنە دەيىن جەتكىزبەي، وڭ شەشىلۋىنە جاعداي جاساۋ بولىپ تابىلادى.

   شارا بارىسىندا:  قازاقستانداعى داۋلى ماسەلەلەردى شەشۋدىڭ بالامالى تاسىلدەرى؛ بىتىمگەرلىك. تۇسىنىك. تۇرلەرى. قولدانۋ اياسى؛ ق ر «مەدياسيا تۋرالى» زاڭى؛  مەدياتورلاردىڭ مارتەبەسى. كاسىبي جانە كاسىبي ەمەس مەدياتورلار؛ ۇجىمداعى داۋلى جانە جانجالدى ماسەلەلەر. داۋلى جانە جانجالدى ماسەلەلەردى ق ر ەڭبەك كودەكسى اياسىندا رەتتەۋ؛ جانجالدى جاعدايدى باسقارۋ. مەدياتوردىڭ قۇرالدارى: بەلسەندى تىڭداۋ، ساۋال قويا ءبىلۋ شەبەرلىگى، الىنعان اقپاراتقا تالداۋ، اقپارات الۋ ءۇشىن سۇحباتتاسا ءبىلۋ؛ باسقارۋشىلاردىڭ مەدياتورلىق قۇزىرەتى سىندى ماسەلەلەر تالقىلاندى.

 جالپى قۇرىلعان ساتتەن باستاپ كاسىپكەرلەر پالاتاسىنا جەرگىلىكتى بيزنەس وكىلدەرىنەن قۇقىعىن قورعاۋ جونىندە 243 ءوتىنىش تۇسكەن. پالاتى قىزمەتكەرلەرىنىڭ جاساعان جۇمىستارىنىڭ نەگىزىندە 181 كاسىپكەردىڭ قۇقىعى قالپىنا كەلتىرىلىپ، 700 ملن.تەڭگەدەن استام قارجىسى وزدەرىندە قالعان. 

"قامشى"سىلتەيدى

دەرەككوز: قازاقپارات