پرەزيدەنت قاسىم-جومارت توقايەۆ قازاقستانداعى جاڭادان ەنگىزىلگەن ۆيسە-پرەزيدەنت قىزمەتىنە كىم تاعايىندالاتىنىن الداعى ءبىر اپتا نەمەسە ون كۇن ىشىندە جاريالايتىنىن ايتتى.
«ۆيسە-پرەزيدەنت قىزمەتىن كىم اتقاراتىنى كەلەسى اپتا نەمەسە ون كۇن ىشىندە بەلگىلى بولادى. ءقازىر ونىڭ ەسىمىن اتاۋ ءالى ەرتە. مەنىڭ ويىمشا، بۇل – ءبارىڭىز جاقسى بىلەتىن تانىمال ادام»، – دەدى مەملەكەت باسشىسى.
توقايەۆتىڭ ايتۋىنشا، قازىرگى كۇردەلى كەزەڭدە ۆيسە-پرەزيدەنت قىزمەتى ەل ءۇشىن اسا قاجەت. بۇل لاۋازىم كونستيتۋسيادا ادەيى قاراستىرىلعان.
پرەزيدەنت سونداي-اق جاڭا مەملەكەتتىك ورگان – قازاقستان حالىق كەڭەسىنىڭ جۇمىسىن ىسكە قوسۋ جوسپارلانىپ وتىرعانىن مالىمدەدى. ونىڭ سوزىنشە، بۇل ورگان قازاقستان حالقى اسسامبلەياسى اتقارعان جۇمىستى كۇشەيتىپ، ودان ءارى دامىتپاق.
مەملەكەت باسشىسى قازاقستاندى «ۇلكەن قۇرىلىس الاڭىنا» اينالدىرۋ قاجەتتىگىن دە ايتتى. وڭىرلەردە ەمحانالار، بالالاردى وڭالتۋ ورتالىقتارى جانە باسقا دا الەۋمەتتىك نىساندار سالىنباق. ال استانادا جاڭا كوپىر، دومبىرا سارايى جانە سۋ رەسۋرستارىن زەرتتەۋ ورتالىعى بوي كوتەرەدى.
