قونايەۆتا قۇرىلتاي سايلاۋىندا دىنمۇحامەد احمەت ۇلى قونايەۆتىڭ تۋعان ءىنىسى، اكادەميك اسقار قونايەۆتىڭ ۇلى ەلدار قونايەۆ ءوز تاڭداۋىن جاسادى.
ەلدار قونايەۆ – د.ا. قونايەۆ اتىنداعى حالىقارالىق قوردىڭ پرەزيدەنتى، عالىم، قوعام قايراتكەرى. ول ۇزاق جىلدار بويى اعاسى دىنمۇحامەد احمەتۇلىمەن تىعىز ارالاسىپ، ونىڭ ءومىرى مەن قىزمەتىنە قاتىستى قۇندى ەستەلىكتەرىمەن ءبولىسىپ كەلەدى.
بۇگىن ەلدار قونايەۆ الماتى وبلىسىنىڭ ورتالىعىنداعى سايلاۋ ۋچاسكەسىنە كەلىپ، قۇرىلتاي سايلاۋىندا داۋىس بەردى.
ونىڭ ايتۋىنشا، ازاماتتىق مىندەتتى ورىنداۋ – وتباسى ءۇشىن دە ماڭىزدى قۇندىلىقتاردىڭ ءبىرى. د.ا. قونايەۆتىڭ ءوزى دە ازاماتتىق جاۋاپكەرشىلىككە ايرىقشا ءمان بەرگەن. تاريحي دەرەكتەرگە سايكەس، ول 1991 جىلعى العاشقى جالپىحالىقتىق پرەزيدەنت سايلاۋىندا ءوز ازاماتتىق تاڭداۋىن جاساعان. ەلدار قونايەۆتىڭ بۇگىنگى داۋىس بەرۋى دە وسى ساباقتاستىقتىڭ ءبىر بەلگىسىندەي.
