«100 ناقتى قادام» ۇلت جوسپارى جانە «بولاشاعى ءبىرتۇتاس ۇلت» بەس ينستيتۋتتىق رەفورماسىنىڭ ستراتەگيالىق مىندەتتەرىن ورىنداۋ ماقساتىندا كەيبىر زاڭنامالىق اكتىلەرگە مادەنيەت جانە تاريحي-مادەني مۇرا ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ قابىلدانعان ەدى. زاڭنامالارعا ەنگىزىلگەن مادەنيەت سالاسىنداعى وزگەرىستەر تۋرالى كەشە ورتالىق كوممۋنيكاسيالار قىزمەتىندە وتكەن بريفينگتە ايتىلدى.
بريفينگكە مادەنيەت جانە سپورت ۆيسە-مينيسترى عالىم احمەدياروۆ، اتالعان مينيسترلىكتىڭ مادەنيەت جانە ونەر ىستەرى دەپارتامەنتى ديرەكتورىنىڭ ورىنباسارى كۇمىس سەيىتوۆا، استانا سيركىنىڭ باس ديرەكتورى ەرىك جولجاقسىنوۆ قاتىستى.
28 قازاندا «100 ناقتى قادام» ۇلت جوسپارى اياسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مادەنيەت جانە تاريحي-مادەني مۇرا ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ قابىلدانعان بولاتىن. جاڭا تۇزەتۋلەر، سونىمەن قوسا، وسى سالاداعى باقىلاۋدى جەتىلدىرۋگە باعىتتالعان ەدى.
«جاڭا زاڭ قابىلدانعانعا دەيىن مۋزەي ديرەكتورلارى ەكسپوناتتاردى قالاي قولدانۋعا بولاتىندىعىن، نەنى ساتىپ الىپ، نەنى باسقا مۇراجايلارعا بەرۋ كەرەكتىگىن وزدەرى جەكە شەشكەن بولاتىن. ەندى ونىمەن ارنايى كاسىبي كوميسسيا اينالىسادى»، – دەدى ع.احمەدياروۆ. ونىڭ اتاپ وتۋىنشە، قۇقىقتىق، ەكونوميكالىق، الەۋمەتتىك جانە ۇيىمداستىرۋشىلىق نەگىزدەردى انىقتاۋ جانە ەل مادەنيەتىن جاڭعىرتۋ، ساقتاۋ، دامىتۋ، تاراتۋ جانە قولدانۋ سالاسىنداعى مەملەكەتتىك ساياسات، ەڭ الدىمەن، زاڭنامالىق بازانىڭ كەشەندى ساراپتالۋى مەن جەتىلدىرىلۋىن قامتاماسىز ەتۋدى تالاپ ەتەدى.
«سونىمەن قاتار، مادەنيەت سالاسىنداعى زاڭنامانى جەتىلءدىرۋ ءبىرقاتار زاڭنامانىڭ، نورماتيۆتىك-قۇقىقتىق اكتىلەرءدى ازىرلەپ، بەكىتەتىن وكىلەتتى ورگانداردىڭ قۇزىرەتىن جەتىلءدىرۋدى بولجايدى»، – دەدى سپيكەر. مسم وكىلىءنىڭ پىكىرىنشە، بۇل قورلاردى تولىقتىرۋ بارىسىن مەيلىنشە اشىق، ال ەكسپوزيسيالاردى كەلۋءشى قوناقتار ءۇشىن اناعۇرلىم تارتىمدى ەتەدى.
ال بريفينگ بارىسىندا ءسوز العان ك.سەيىتوۆا: «ەگەر بۇرىن زاڭناما نەگىزىندە قازبا جۇمىستارى كەزىندە تابىلعان زاتتاردى مۇراجايلارعا بەرۋ ايقىندالسا، ەندى ءتيىستى راسىمدەر دە بار. بۇل مادەني قۇندىلىقتى تاپقان ادامدارعا ولاردى تاپسىرۋدان جالتارۋعا مۇمكىندىك بەرمەيدى»، – دەدى.
سونىمەن بىرگە، سيرك ونەرىنە دە وزگەرىستەر ەنگىزىلىپتى. بۇرىن تەاترلار، فيلارمونيالار مەن مادەني-ويىن-ساۋىق ۇيىمدارىنا ارنالعان «مەملەكەتتىك ساتىپ الۋلار تۋرالى» زاڭمەن ساحنالىق كوستيۋمدەر سياقتى كەيبىر تاۋارلار مەن قىزمەتتەردى كونكۋرسسىز ساتىپ الۋعا رۇقسات بەرەتىن نورما بولاتىن. الايدا، بۇل تىزىمدە سيركتەر جوق-تىن، سوندىقتان كەيبىر قيىنشىلىقتار تۋىندايتىن. وسى ماسەلەنى شەشۋ ءۇشىن مەملەكەتتىك ساتىپ الۋلار زاڭناماسىنا ءتيىستى تۇزەتۋلەر ەنگىزىلدى»، – دەدى ە.جولجاقسىنوۆ.
زاڭنىڭ ماقساتى – تاريحي-مادەني مۇرا، سيرك جانە تەاترالدىق ونەر، مۇراجاي جانە كىتاپحانا ءىسى، سونىمەن قاتار، مۇراعات ءىسى بويىنشا قولدانىستاعى زاڭنامانى جەتىلدىرۋ بولىپ تابىلادى ەكەن. سونىمەن قوسا، زاڭ نورمالارى قازاقستان رەسپۋبليكاسىنىڭ مادەني ساياساتى تۇجىرىمداماسىندا كورسەتىلگەن سالانىڭ ينستيتۋتتىق جاڭعىرۋى، باسقارۋشىلىق شەشىمدەردى ۇيلەستىرۋ، زاماناۋي مادەني كلاستەرلەردى قۇرۋ، سالالىق كوركەمدىك كەڭەستەرگە بايلانىستى ماقساتتارىن جۇزەگە اسىرۋعا باعىتتالىپتى.
زاڭ جوباسىن دايىنداۋ بارىسىندا مادەنيەت جانە تاريحي-مادەني مۇرا سالاسىنداعى ماسەلەلەردى نورماتيۆتىك رەتتەۋ بويىنشا حالىقارالىق، سونىڭ ىشىندە تمد ەلدەرىنىڭ تاجىريبەسى قولدانىلىپتى.
دەرەككوز: "ەگەمەن قازاقستان"
پىكىر قالدىرۋ