SMS- shabýylǵa qaramastan bank basshylyǵy dárigerlerge jańa týǵan nárestelerdiń ómirin qutqarýǵa kómegin jalǵastyrýda.

Mańǵystaý oblystyń perınataldyq ortalyǵynyń balalar reanımasıasy bólimi shala týǵan jáne densaýlyǵynda túrli kináraty bar nárestelerge kómek kórsetýge arnalǵan baǵaly jabdyqtar aldy. Dál osyndaı jabdyqtar Oraldyń perınataldyq ortalyǵyna da berildi.

Aqtaý men Oral qalalaryndaǵy perınataldyq ortalyqtardy jabdyqtaý úshin bank bólgen qarajat kólemi 24 mıllon teńgeden astam somany quraıdy. Aýrýhanalarǵa qajetti jabdyqty «Tynys al, balaqaı» jobasy aıasynda «Aıala» qory jetkizdi.

- «Tynys al, balaqaı» jobasy júzege asa bastaǵan 5 jylda kaspi bank «Aıala» qoryna oblystyq jáne qalalyq perzenthanalardyń reanımasıa bólimderin zamanýı jabdyqtarmen qamtamasyz etý úshin 100 mıllıon teńge bóldi, - deıdi «Aıala» qorynyń vıse-prezıdenti Jangeldi Sársenov.-Bul qarajat pen jabdyqtardyń kómegimen perınataldyq ortalyqtardyń dárigerleri myńdaǵan nárestelerdiń ómirin qutqardy.

 -  «kaspi bank pen jeke ózim bul jobany qoldaımyz jáne bul biz úshin qurmet dep sanaımyz, -deıdi banktiń dırektorlar keńesiniń tóraǵasy Vácheslav Kım. –Árbir sábıdiń ómiri baǵaly. Men dárigerlerge árbir qutqarylǵan náresteniń ómiri úshin alǵys aıtqym keledi, al biz olarǵa barynsha jaǵdaı jasaýǵa tyrysamyz.

  - Bárimiz úshin mańyzdy bul joba kaspi bank pen  Vácheslav Kımniń jeke qoldaýymen  5 jyldan beri júzege asyp keledi, - deıdi kaspi bank’tiń basqarma tóraǵasy  Mıhaıl Lomtadze. – Eń bastysy, biz dárigerlermen jáne otbasylarmen birge ózara áreketimizdiń nátıjesin kórýdemiz. Keıbir ortalyqtarda balalardyń ómir súrý kórsetkishi 5 esege ósken. Biz Qazaqstanda myńdaǵan otbasylardyń kópten kútken sábılerin, nemerelerin kórip, baqytty bolǵanyna qýanyshtymyz. Bul joba basqa kompanıalar úshin úlgi bolady jáne bizdiń elimiz ben balalarymyzǵa birge qamqorlyq jasaımyz dep senemin.