Ulttyq bankiniń qaýlysyna sáıkes, 2014 jyldyń birinshi sáýirinen bastap qazaqstandyq bankter aı saıynǵy nesıe tólemi klıenttiń ortasha tabysynyń 50 paıyzynan aspaǵan jaǵdaıda ǵana qaryz beretin bolady dep habarlaıdy Tengrinews.kz tilshisi. "Qarjy uıymdaryna banktik jáne basqa operasıalardyń túrlerin júrgizýge shekteý engizý týraly" qaýlyǵa baılanysty nesıe alýshynyń jaýapkershilik júktemesi koefısıentiniń eń joǵary deńgeıi 0,5-ti quraıdy. Nesıe alýshynyń aı saıynǵy ortasha tabysy onyń sońǵy alty aıdaǵy jalaqysy nemese ózge de tabystary somasynyń altyǵa qatynasy retinde esepteledi", - delingen qaýlyda. Endi qaýly boıynsha klıenttiń boryshtyq júktemesi aılyq jalaqysynyń jartysynan asatyn jaǵdaıda bank oǵan nesıe berý týraly oń sheshim qabyldaı almaıdy.