Qazaqstandyq sınoptıkter halyqaralyq áıelder kúni aýa raıy sýytady dep boljam jasady. Bul týraly BNews.kz tilshisine «Qazgıdromet» RMK jetekshi ınjener sınoptıgi Nursáýle Qýandyqova habarlady.

«8 naýryzda kún sýytady. Naýryz merekesinde aýa raıynyń qandaı bolatynyn ázirshe naqty aıta almaımyz. Aýa raıy sol kezderde belgili bolady», - dedi Qýandyqova. «Biz boljaǵandaı jaqyn kúnderi Batys Qazaqstannyń sýyq antısıklonynyń yqpalynan aýa raıy jaýyn-shashynsyz bolady. Túnde aýa temperatýrasy 18-23 gradýsqa deıin, kúndiz 3-18 gradýsqa deıin tómendeıdi. Qalǵan aýmaq sıklon yqpalynda bolady. Osyǵan oraı qar jaýady. Jambyl, Almaty, Ońtústik Qazaqstan, Shyǵys Qazaqstan oblystarynyń taýly aýdandarynyń keı jerlerde qar jaýady. Bul aýdanda jel sekýndyna 15,20 metrge deıin kúsheıedi, keıbir aýdandarda tuman túsip, kóktaıǵaq bolady. Keıinnen sýyq aýa raıy Qazaqstannyń basym aýmaǵyn qamtıdy. Turaqsyz aýa raıy saqtalady», - dedi N.Qýandyqova. Onyń aıtýynsha, Qazaqstannyń soltústik bóliginde aýa temperatýrasy -18°S -23°S deıin, kúndiz -5°S -10°S deıin, al ońtústik bólikte túnde -5,-15°S deıin tómendeıdi.