Osy aptada elimizde biren-saran kadrlyq aýys-túıis oryn aldy. Máselen, osy ýaqytqa deıin «Samuryq-Qazyna» jyljymaıtyn múlik qory» AQ Basqarma tóraǵasy qyzmetin atqarǵan B.Palymbetov Elbasy Ókimimen jańa qyzmetke taǵaıyndaldy. «Qamshy» portaly QazAqparat apta ishindegi ózge de taǵaıyndaýlarǵa jasaǵan sholýdy nazarlaryńyzǵa usynady.

Memleket basshysy Nursultan Nazarbaevtyń Ókimimen Bolat Ábilqasymuly Palymbetov Qazaqstan kásipkerleriniń quqyqtaryn qorǵaý jónindegi ýákil qyzmetine taǵaıyndaldy. B.Palymbetov 1961 jyly 28 shildede Qyzylorda oblysynyń Shıeli aýdanynda týǵan. Qazaq polıtehnıka ınstıtýtyn, Eýrazıa naryq ınstıtýtyn bitirgen. 1999-2001 jyldary - Atyraý oblysy ákiminiń orynbasary. 2001-2002 jyldary - Qazaqstan Respýblıkasy Ekonomıka jáne saýda vıse-mınıstri, «QazTransOıl» JAQ bas dırektorynyń orynbasary, bas dırektory, «Munaı jáne gaz tasymaldaý» Ulttyq kompanıasy» JAQ bas dırektorynyń birinshi orynbasary. 2002-2006 jyldary - Mańǵystaý oblysynyń ákimi. 2006 jyly - Qazaqstan Respýblıkasy Ekonomıka jáne búdjettik josparlaý vıse-mınıstri. 2007 jyly - «Merkýrıı» AQ dırektorlar keńesiniń tóraǵasy. 2007-2010 jyldary - «Kaspıı» áleýmettik-kásipkerlik korporasıasy» Ulttyq kompanıasy» AQ-ynyń basqarma tóraǵasy. 2010-2011 jyldary - «QazMunaıGaz» Ulttyq kompanıasy» AQ basqarma tóraǵasynyń orynbasary - basqarýshy dırektory. «Samuryq-Qazyna» jyljymaıtyn múlik qory» AQ basqarma tóraǵasy bolǵan, ekonomıka ǵylymynyń kandıdaty. «Qurmet», 3-dárejeli «Eren eńbegi úshin» ordenderimen marapattalǵan.

QR Ulttyq ekonomıka mınıstrliginde «Memlekettik qyzmet týraly» Zańyna sáıkes ádep jónindegi ýákil bolyp Zań departamentiniń dırektory Dáýren Muratbekov taǵaıyndaldy. Dáýren Muratbekov  L.Gýmılev atyndaǵy Eýrazıa ulttyq ýnıversıtetin halyqaralyq zańger mamandyǵy boıynsha jáne A.Myrzahmetov atyndaǵy Kókshetaý ýnıversıtetin qarjy bakalavry mamandaǵy boıynsha  bitirgen. Eńbek jolyn QR Ekonomıka jáne búdjettik josparlaý mınıstrliginde sarapshy laýazymynan bastap, Zań departamentiniń dırektory qyzmetine deıin kóterilip, barlyq kásibı ósý baspaldaqtarynan ótken. 2011 - 2014 jyldary «Ulttyq ınovasıalyq qor» AQ ortalyǵy dırektorynyń orynbasary  jáne «Ulttyq tehnologıalyq damý jónindegi agenttigi» AQ ortalyǵynyń basqarýshy dırektory qyzmetterin atqarǵan.  2014 jyldan beri  QR UEM Zań departamentiniń dırektory.

Qazaqstan Respýblıkasy Ulttyq qaýipsizdik komıtetiniń buıryǵymen aǵymdaǵy jyly 12 aqpanda QR UQK Mańǵystaý oblystyq departamentiniń basshysy bolyp UQO general-maıory Erlik Taıjanov taǵaıyndaldy. Ol Soltústik Qazaqstan oblysy Presnov aýdanynyń «Ýkraındyq» keńsharynda dúnıege kelgen. Qaraǵandy Joǵary mılısıa mektebiniń tergeý fakúltetin bitirgen (1984), tergeýshi-krımınalıst. Zań ǵylymdarynyń kandıdaty (2004). Kandıdattyq dısertasıasynyń taqyryby: «QR keden salasyndaǵy UQB jedel izdestirý qyzmeti». 1977 jyldan - SQO «Blagoveshensk» keńsharynda mehanızator. 1984 jyldan - KSRO Memlekettik qaýipsizdik organdarynda áskerı qyzmette, Qyzylorda oblysy boıynsha MQKB jedel jáne tergeý bólimshelerinde qyzmette. 1993 jyldan - SQO boıynsha QR UQK UQKD Kadrlar basqarmasynda basshylyq qyzmette. 2001-2009 jyldary - Astana qalasy boıynsha QR UQKD bastyǵy. Quqyq qorǵaý organdary úılestirý keńesiniń, Astana qalasynyń áleýmettik-profılaktıkalyq tártip buzýshylyqtardyń aldyn alý jáne sybaılas jemqorlyqqa qarsy kúres keńesiniń múshesi. QR karate-do federasıasynyń qurmetti prezıdenti (Astana, 2005). «KSRO Qarýly Kúshterine 70 jyl» (1988), «Qazaqstan Respýblıkasynyń táýelsizdigine 10 jyl» (2001), «Ulttyq qaýipsizdikti qamtamasyz etýdegi úlesi úshin» (2002), «Minsiz qyzmeti úshin» (2002), «Qazaqstan Konstıtýsıasyna 10 jyl» (2005) medaldarymen marapattalǵan. QR Ulttyq qaýipsizdik komıtetiniń Qurmetti qyzmetkeri (2004).

Qyzylorda oblystyq memlekettik qyzmet isteri departamentiniń basshysy laýazymyna Jazıra Jylqyshıeva taǵaıyndaldy.  Jazıra Jylqyshıeva 1970 jyly Qyzylorda oblysy Jalaǵash aýdanynda dúnıege kelgen. 1992 jyly Qorqyt Ata atyndaǵy Qyzylorda pedagogıkalyq ınstıtýtyn - fızıka pániniń muǵalimi, 2005 jyly «Bolashaq» ýnıversıtetin - zańger mamandyqtary boıynsha bitirgen. Eńbek jolyn 1992 jyly Jalaǵash aýdanyndaǵy № 31 orta mekteptiń fızıka pániniń muǵalimi retinde bastaǵan. 1992-2001 jyldary Jalaǵash aýdanyndaǵy № 202 orta mektep dırektorynyń tárbıe isi jónindegi orynbasary, Jalaǵash aýdanyndaǵy № 31 orta mektep dırektorynyń tárbıe isi jónindegi orynbasary, 2001-2005 jyldary Qazaqstan Respýblıkasy Memlekettik qyzmet isteri jónindegi agenttiginiń Qyzylorda oblysy boıynsha basqarmasynda bas maman, Qyzylorda oblysynyń jolaýshylar kóligi jáne avtomobıl joldary basqarmasynda bólim bastyǵy, 2005-2007 jyldary Qazaqstan Respýblıkasy Memlekettik qyzmet isteri jónindegi agenttiginiń Qyzylorda oblysy boıynsha basqarmasynda bólim bastyǵy, Qyzylorda oblystyq ishki saıasat departamenti dırektorynyń orynbasary, 2007-2011 jyldary Qyzylorda oblysy ákimi apparatynyń kadr jumysy bóliminiń meńgerýshisi qyzmetterin atqarǵan. 2011 jyldan Qyzylorda oblysynyń jumyspen qamtýdy úılestirý jáne áleýmettik baǵdarlamalar basqarmasynyń, ishki saıasat basqarmasynyń basshysy qyzmetterin atqaryp keldi.  «Áleýmettik eńbek salasynyń úzdigi» tósbelgisimen nagradtalǵan.

Batys Qazaqstan oblysy ákiminiń keńesshisi qyzmetin atqarǵan Erbol Ǵumaruly Salyqov Batys Qazaqstan aýmaqtyq kásipodaqtar ortalyǵynyń tóraǵasy bolyp saılandy. E.Ǵ.Salyqovtyń basshylyq jumysta tájirıbesi mol. Sonyń ishinde Jańaqala aýdany ákiminiń orynbasary, Shyńǵyrlaý aýdanynyń ákimi, oblys ákiminiń aýyl sharýashylyǵy máseleleri jónindegi orynbasary qyzmetterin atqardy. 2009 jyly «Qurmet» ordenimen marapattalǵan.

Belgili aıtysker ári tanymal aqyn, Qazaqstan Jazýshylar odaǵynyń múshesi Baýyrjan Halıolla Qadyr Myrza Álı atyndaǵy mádenıet jáne óner ortalyǵynyń dırektory bolyp taǵaıyndaldy. Al osyǵan deıin Qadyr ortalyǵyn basqaryp kelgen ánshi-kompozıtor Donedil Qajymov zeınetke shyǵýyna baılanysty qyzmetinen bosady.

Aıta keteıik, Baýyrjan Ergenuly buǵan deıin oblystyq jastar shyǵarmashylyǵy ortalyǵyna basshylyq etti. Syrym aýdanynda dúnıege kelgen ol - ál-Farabı atyndaǵy QazUÝ-dyń jýrnalısıka fakúltetiniń túlegi. Halyqaralyq, respýblıkalyq aıtystarda jeńimpaz-júldeger atanyp úlgergen Baýyrjan sonymen qatar jazba poezıamen aınalysady.  Onyń «Jumbaq qyzdyń janary» («Jazýshy» baspasy, 2001 jyl), «Názik bult kóship barady» (Oral qalasy, 2005 jyl), «Juldyz jaýǵan jaryq tún» (2012 jyl, Oral) atty jyr jınaqtary jaryq kórip, ádebıetshiler men oqyrman qaýymnan laıyqty baǵasyn aldy.