2004 jyly Qazaqstanǵa QHR-dan  kóship kelgen etnıkalyq qazaq Maqsutqan Dáleıuly 2008 jyly  Almaty qalasynyń shetinen jer satyp alyp, sonda aýyl qurǵan. Oǵan aýyl qurýyna kóship kelgen oralmandardyń ár jaqqa shashyrap ornalasyp ketýi sebepshi bolǵan.  

• Bizdiń otanǵa oralǵan qandastarymyz ár jaqqa shashyrap ketti. Nege deseńiz, biryńǵaı qonystaný múmkindigi bolǵan joq. Bir jerden satyp alatyn bárine úı shyqpaıdy. Shyqsa da bireýiniń jaǵdaıy kelgenmen, ekinshisiniń jaǵdaıy kótermeıdi. Sol úshin men tóńiregimde qatarlastarmen birigip, Almaty oblysy Qarasaı aýdany  Jańashalmalǵan aýyldyq okrýginiń aýmaǵynan 9,5 gektar  jer satyp alyp, halyqty uıymdastyrý arqyly  2007 jyly «Barkól» atymen saıajaı qurylys koparatıvin qurdym,- deıdi 58 jastaǵy Maqsutqan Dáleıuly

Korparatıv bolý sebebi jer buryn sharýa qojalaǵynyń jeri bolǵan. Sondyqtan Maqsutqan  Dáleıuly ony satyp alsa da basqa maqsatqa qoldanýǵa múmkindigi bolmaǵan. Bul jerdi turǵyn úıge qoldaný, qosalqy jáne aýyl sharýashylyǵymen aınalysý sıaqty ýnıversal maqsatqa qaraı aýdaryp júzege asyrǵan.

Maqsutqan Dáleıuly osy aýyldy qurarda kedergiler men qıynshylyqtar bolǵanyn ashyq aıtty. Ol  maqsatqa jetý jolynda tabandylyq kórsetken. Qansha qıyndyq kórse de, alǵan betinen qaıtpaı aýyldy qurǵanyn aıtady. 

• Shynyn aıtqanda, kedergiler kóp boldy, qoldaýshylar joq boldy ...   Biraq qaıtqan joqpyz. Bir qadam bolsyn aldyǵa júrdik. Aldanǵan kezderimiz de boldy,-deıdi ol.

Aýyldyń Barkól dep atalýynyń sebebin suraǵanymyzda,

• Barkól dep atalý sebebi Qytaıdaǵy qazaqtardyń atajurt jeri. Asan Qaıǵy erterekte sol jerge barǵanda «Myna jerde qut bar eken,  baılyǵy da kól eken, bári kól eken» dep ataǵan. Sol «bárikól» degen sóz keıinnen «barkól» atalynyp ketti,-  deıdi keıipkerimiz.

Búginde Barkól aýylynda  50 shaqty semá bar. Bul jerge 200 otbasynyń qonystana alatyndaı múmkindigi bar.

• Halyq rıza. 170  metr  tereńdikten sý shyǵardym. Sý aýyldaǵy kóptegen úılerge kirgizilgen.  200KB  transformator qoıǵyzyp, jaryq máselesin sheshtim. Qazir gaz de keldi. Endi qaltasy kótergender úılerine gaz qosady. Gazdyń trýbasy kelip tur, - deıdi aýyl qurýshy  

Aýyl turǵyny Mahambettiń aıtýynsha  «Bul Maqsutqannyń azamattyq erligi  ǵoı. Ony qoldap qýattaımyz. Bizde osy aýyldyń bir múshesimiz ǵoı. Sol endi osy aýyldy kórkeıtýge at salysamyz» deıdi.

Kórshisi Kúlimhan Turysbekqyzy 2007jyly kóship kelgenin, aýyldyń jyldan- jylǵa jaqsaryp kele jatqanyn jáne osy aýyldyń qurýshysy Maqsutqan Dáleıulynyń eńbeginiń zor ekendigin aıtady.

Áıeli Nazıqa Qabyl «Biz eń alǵash osy jerdi alǵanda bul jerde ne sý, ne svet bolmady. Tipti birde – bir úı bolmady. Sodan bu kisi sý shyǵardy. Odan keıin svet ornatty. Qandastarynyń basyn bir jerge jınaqtady. Olarǵa qolynan kelgenshe kómek bergen adam. Áli de kómektesip keledi» dedi.

Aıta keteıik, 2015 j 27 qyrkúıekte «Barkól» aýylynyń qonys toıy toılanǵan.

Qanıa Tabys