Astanada "Mahabbat" turǵyn úı kesheniniń ondaǵan turǵynyn, onyń ishinde oqýshy balalardy da narazylyq aksıasy kezinde polısıa ustap áketti delingen aqparatty biraz ýaqyt buryn jazǵan edik. Narazy topty kólikke tıep, balalardyń jyǵylǵandaryna qaramaı, óz degenderin istep jatqan tártip saqshylarynyń áreketin qalaı túsinýge bolady?
Azattyq radıosynyń sońǵy aqparatyna qaraǵanda, narazylyq sharasyna shyqqany úshin Esil aýdandyq polısıa bólimine aparylǵan azamattar - Astanadaǵy "Mahabbat" turǵyn úı kesheniniń turǵyndary (aralarynda balalar da bar) birer saǵattan soń bosatyldy.
Bes áıel bir aıdyń ishinde 111-bap ("Kámeletke tolmaǵan adamdy ákimshilik quqyq buzýǵa kiristirý") boıynsha ákimshilik sotqa tartylmaq. Sotqa deıin bosatylǵan ol adamdardyń kámeletke tolmaǵan balalary bar. Narazylyq sharasyna qatysqan azamattardyń biri Saltanat Shıazova oqıǵany tarataýǵa kelgen polıseılerdiń áıelder men balalarǵa dórekelik kórsetkenin aıtady.
Pikir qaldyrý