Qyrymnyń Chernomorskoe kentinde Reseı áskerıleri Ýkraınanyń shekara beketin basyp aldy. Bul týraly "Ýkraınskaıa pravda" gazetine Ýkraına memlekettik shekara qyzmeti habarlaǵan.
Ýkraına shekara qyzmetiniń baspasóz hatshysy Oleg Slobodán "5 kanal" efırinen beket basqarmasyn Reseıdiń 30 qarýly soldaty basyp alǵanyn habarlady. Ol "shabýyl qalaı jasalǵany anyqtalyp jatyr" dedi. Onyń aıtýynsha, 8 naýryz kúni teńizdi baqylaıtyn posttardy isten shyǵarý bastalǵan. 9 naýryz kúni "Ýkraınskaıa pravda" gazeti Sımferopolde Qyrymdaǵy "Eýromaıdan" aksıasyn uıymdastyrýshy Andreı Shekýnniń ustalǵanyn jazdy. "ÝNIAN" agenttiginiń saıtynda "Senbi kúni Sımferopolge áskerı júk kólikteri kolonnasy kirgeni" jazylǵan. Jaýyngerler tıegen nómirleri joq kólikterdiń sany 70-teı bolǵan.
Pikir qaldyrý