Biz qaıda baryp kiremiz,

Ne túrin kórip mazaqtyń?

Zamanda ómir súremiz,

Qadiri ketken qazaqtyń!

Búginde kileń qul keshshe,

Bir bále tappaı súıkener,

Asyp ta tasyp kún keshse,

«Shúldir» men «Shúldir bıkeler»,

Keýdesin tosyp daýylǵa,

Úmitim bir kún óshe me?

Al Qazaq, qyrda aýylda,

Ólmestiń kúnin keshe me?

İldalala menen áreńmen

Kún keship júr ek óńgemiz.

Bolmastan baby áýelden,

Tentirep ketti teńgemiz!..

Sen barmyz jáne men barmyz,

Túbime mynaý jetpesin!

Endigi úmit tek jalǵyz:

Tentirep Qazaq ketpesin!..

QAIDA, BEZİP KETEIİN?..

Sezim jaıly jyr jazsam,

Ol da jurtqa jaqpady.

Ózim jaıly jyr jazsam,

Ol da qyrtqa jaqpady.

Bos sózderdi  tárk etip,

Demalaıyn desem de.

Birdeńe aıtsam, sart etip,

Sóz ótpedi eserge...

Myna meniń soryma,

Bir tıanaq tappadym.

Sóz qýǵandar tobyna,

Men báribir jatpadym.

«Partıadan shyqqanmen

Jaǵalapty bılikti...»,

Óstip, shatyp, butqanmen,

Qaıran júrek, shıryqty...

«Endi Jumash, qyzyǵy,

Mahabbatqa kóshipti»,-

Degen jurttyń buzyǵy,

Ońdy, soldy esipti.

Basym qatty aǵaıyn,

Qalmady aıtar sózim de.

Kimge, qalaı jaǵaıyn,

Ońbaımyn-aý, ózim de...

«Men, ne deppin, ne deppin?..»

Sóz uqpady al, mynaý.

«Eki ot» emes, kóp ottyń,

Ortasynda qaldym-aý...

Anaý, alaı tartady,

Mynaý, bylaı tartady.

Tózimimdi sarqady,

Qurǵyr júrek sharshady.

Kimge, nemmen jaǵaıyn,

Aıtyńdarshy, ne eteıin?

Sonymenen, aǵaıyn,

Qaıda bezip keteıin?..

NE ÁKESİNİŃ QUNY BAR?..

«Altyndamyn...», «mystamyn...»,

Kimder jasar qyspaǵyn?

Ósekshiler sózinen,

Jyndy adamǵa uqsadym.

Tózimimdi sarqady,

Ne qýlary bar, taǵy.

Meni alaı tartady,

Meni bulaı tartady.

Durys sózdi uǵynar,

Jatyp alyp, buǵynar,

Aıtyńdarshy, olardyń,

Ne ákesiniń quny bar?..

NE AITARYMDY BİLMEIMİN...

Sóz uǵardy tappaısyń,

Taǵy tynysh jatpaısyń.

Túsinikti - jamany,

Jaqsy aıtsań da jaqpaısyń.

Beretin bos «eńireı»,

Tózimim de temir, eı.

Myna zaman, ne zaman,

Mynaý qandaı ómir eı?

Jylamaımyn, kúlmeımin,

Taǵy tynysh júrmeımin.

Aıtar sózim taýsyldy,

Ne aıtarymdy bilmeımin...

BİLGEN ... MYJYSYN...

Nege olarǵa boqtatam,

Nege olardy toqtatam?

«Bomba bolyp jarylsam ba?» dep keıde,

Ózimdi-ózim toqtam...

Al, ishteri tar eken,

İshkenderi bal eken.

Bul Qazaqtan sóz qalmaǵan desek te,

Ólmepti olar, bar eken.

Sender, júrek syzysyń,

Satqyndardyń izisiń.

Maǵan tıisken ondaılarǵa ne aıtam,

Bilgen b...n myjysyn...

ǴALYMJANDA NE ÁKESİNİŃ QUNY BAR!..

Tyrnap ashyp, ishte jatqan jarany,

Ústi-ústine topyrlatyp jalany,

Men bulardyń túsinbedim maqsatyn,

Jaqsy adamǵa nege kúıe jaǵady?

Olar jaqqan qara kúıe, tabadan,

Qara ǵana qalady eken «qaradan».

Sonda bular shetterinen – «aq» taǵy,

Bizdiń jigit, kináli me anaǵan?

Kór tyshqandaı, inderine tyǵylar,

Men bilemin, «qyzyly» bar, «sury» bar.

Sonshalyqty qara kúıe jaǵardaı,

Ǵalymjanda ne ákesiniń quny bar?..

QAIDA, BEZİP KETEIİN?..

Sezim jaıly jyr jazsam,

Ol da jurtqa jaqpady.

Ózim jaıly jyr jazsam,

Ol da qyrtqa jaqpady.

Bos sózderdi  tárk etip,

Demalaıyn desem de.

Birdeńe aıtsam, sart etip,

Sóz ótpedi eserge...

Myna meniń soryma,

Bir tıanaq tappadym.

Sóz qýǵandar tobyna,

Men báribir jatpadym.

«Partıadan shyqqanmen

Jaǵalapty bılikti...»,

Óstip, shatyp, butqanmen,

Qaıran júrek, shıryqty...

«Endi Jumash, qyzyǵy,

Mahabbatqa kóshipti»,-

Degen jurttyń buzyǵy,

Ońdy, soldy esipti.

Basym qatty aǵaıyn,

Qalmady aıtar sózim de.

Kimge, qalaı jaǵaıyn,

Ońbaımyn-aý, ózim de...

«Men, ne deppin, ne deppin?..»

Sóz uqpady al, mynaý.

«Eki ot» emes, kóp ottyń,

Ortasynda qaldym-aý...

Anaý, alaı tartady,

Mynaý, bylaı tartady.

Tózimimdi sarqady,

Qurǵyr júrek sharshady.

Kimge, nemmen jaǵaıyn,

Aıtyńdarshy, ne eteıin?

Sonymenen, aǵaıyn,

Qaıda bezip keteıin?..

Jumash Kókbóri