Keshe Las-Vegasta Búkilálemdik boks qaýymdastyǵynyń (WBA) jartylaı aýyr salmaqtaǵy Álem chempıony Beıbit Shúmenov meksıkandyq Enrıke Ornelaspen jekpe-jek ótkizip, óz ataǵyn qorǵap qaldy.
12 raýndtyq jekpe jekte B.Shúmenov 120-108 esebimen jeńdi. Barlyq tóreshiler de qazaq boksshysyn jeńimpaz dep tanydy.
Aıta keteıik, 1983 jyly 19 tamyzda Shymkentte ómirge kelgen B.Shúmenov buǵan deıin 13 kezdesý ótkizip onyń 12-sinde (8-i nokaýtpen) utyp, tek bir-aq ret kúmándi jaǵdaıda jeńilis tapqan bolatyn. Bul 28 jasar qazaqstandyq 2009 jyly 15 tamyzda Astanada Gabrıel Kampıllomen chempıondyq ataq úshin bolǵan jekpe-jekte jeńilis tapqanymen, 2010 jyly 29 qańtarda Las-Vegasta ótken qarymta kezdesýde altyn belbeýdi ıelengen edi. Odan keıin óz ataǵyn 3 ret sátti qorǵap shyqqan Beıbit 12 raýndtyq sońǵy kezdesýin 2011 jyly 29 shildede Dannı Santıgomen ótkizip, onda 9-raýnda qarsylasyn teknıkalyq nokaýtpen jeńgen bolatyn.
Al qarsylasy 31 jastaǵy Enrıke Ornelas 1980 jyly 19 qyrkúıekte Gýanajýatoda ómirge kelgen. Kásipqoı boks sharshy alańdaǵy 40 kezdesýiniń 33-in jeńispen (21-i nokaýtpen), jeteýin jeńilispen (bireýinde nokaýtpen) aıaqtaǵan. 2011 jyly 17 jeltoqsanda Meksıkada 10 raýndyq kezdesýde Herıverto Gýtıerrezdi 1-raýndta tehnıkalyq nokatpen jeńgen edi. Bul onyń 6 mamyrda Germanıada Robert Stılısten jeńilis tapqannan keıingi ekinshi jeńisi bolatyn.
«QazAqparat»
Pikir qaldyrý