Mańǵystaý oblysy Quryq aýlynda qatty soqqan jel eki qabatty turǵyn úıdiń shatyryn julyp áketken, - dep habarlaıdy «Qamshy» portaly 31-arnaǵa silteme jasap.
Sekýndyna 18 metrge deıin soqqan jel 48 páterlik úıdiń shatyryn qas-qaǵym sátte kóterip ketipti. Eki páterden 8 adamdy qutqarýǵa týra kelgen. Zardap shekken eshkim joq. 40 jyl buryn salynǵan eski úı jazda ǵana kúrdeli jóndeýden ótken eken. Oǵan Qaraqıa aýdanynyń qazynasynan 5 mıllıon teńge bólingen. Endi jóndeý júrgizgen qurylys kompanıasynyń jibergen qateligin ákimdik janynan qurylǵan shtab anyqtaıtyn bolady.
Pikir qaldyrý