Búgin Almatyda 31-telearna ekranynan kórsetiletin «Jaýjúrek Ertuǵryl» telehıkaıasynyń tusaýkeseri ótti, - dep habarlaıdy «Qamshy» portaly.

Mega Park oıyn-saýyq ortalyǵynyń Chaplin kınoteatrynda ótken tusaýkerserde telehıkaıa kórsetilimine aqparat quraldarynyń ókilderi qatysty.

«Arnanyń negizgi maqsat-múddesi otbasymen kórýge arnalǵan qyzyqty baǵdarlamalar men realıtı shoýlar, mándi de maǵynaly telehıkaıalar men kınolar usyný arqyly kórermenderin qýantý. Osy maqsatta telearna basshylyǵy eń sapaly, eń úzdik telehıkaıalar kórsetilimin júıeli jolǵa qoıyp otyr», - deıdi shara uıymdastyrýshylary.

Jaqyn arada kórsetilimge shyǵatyn qyzyqty ári tarıhı drama «Jaýjúrek Ertuǵryl» telehıkaıasy sonyń dáleli. 28 naýryzdan bastap ekranǵa jol tartatyn, 52 bólimnen  turatyn tarıhı serıalda uly joryqtar men batyrlar bastan keshken uly tarıhı oqıǵalar, otanǵa degen súıispenshilik, jańa jerlerdi jaýlap alý, sondaı uly mahabbat  sezimi kórinis beredi.

Serıal negizi musylman memleketteri men krıshtán halyqtarynyń uzyqqa sozylǵan adýyndy aıqastarynyń negizinde  qurylǵan Osman ımperıasynyń tarıhı bastamasynan turady.

Raıgúl Ekpin