Astanada toǵyz qabatty turǵyn úıde eki páter órtenip, úsh adamǵa ıis tıip qaldy, bes adam qutqarylyp, taǵy 20-ǵa jýyq adam qaýipsiz jerge kóshirildi dep habarlaıdyTengrinews.kz QR Tótenshe jaǵdaılar mınıstrliginiń baspasóz qyzmetine silteme jasap. Mamandardyń málimetinshe, 11 naýryzda saǵat 15.53-te Saryarqa aýdanyndaǵy 188-kóshede kópqabatty úıdiń úshinshi qabatyndaǵy bir páterde órt shyqqan. Jalyn áp-sátte údep, tórtinshi qabattaǵy páterdiń balkonyna aýysady. "Órttiń aýdany 20 sharshy metrdi qurady. Bes adam, onyń ishinde, bir bala qutqaryldy jáne 19 adam qaýipsiz jerge kóshirildi, olardyń arasynda 10 bala bar", - delingen mınıstrliktiń habarlamasynda. Oqıǵa ornynan ystan ýlanǵan úsh adam aýrýhanaǵa jetkizildi. Órt saǵat 16.30-da tolyq zalalsyzdandyryldy. Bul jumystarǵa Astana qalalyq tótenshe jaǵdaılar departamentiniń jeke quramynan 20 maman men 8 tehnıka tartyldy. Oqıǵadan zardap shekkenderge Apat medısınasy ortalyǵynyń úsh mamany alǵashqy kómek kórsetti. Eske sala keteıik, 9 naýryz kúni Astanada jataqhanalardyń biriniń bólmesi órtenip, 60 adam qaýipsiz jerge dereý kóshirilgen edi. Al 7 naýryz kúni besqabatty kóppáterli úıde órt shyǵyp, tórt adam ıisten ýlanyp qaldy, onyń ekeýi qaıtys boldy.

Tengrinews.kz