Meniń qolyma Túrkıadaǵy ótken qazaqtyń dara perzenti  Hasen Oraltaı týraly  «HASAN ORALTAY» degen kitap kelip tústi. Bul eńbek  ol kisi qaıtys bolǵannan keıin sol elde jaryq kórgen eken.  Márıem Hákim  qaryndasym:

«Asa qurmetti,  Jumash Kenebaı aǵa!

Eń jaqsy tilektermen,

Márıam Hakim,

12 aqpan 2014 jyl, Konıa qalasy» dep qol  qoıǵan eken.

Búginde Ankarada bir ýnıversıtettiń ustazy, profesor, marqum Hasekeńniń  jaqyn qaryndasy Márıam Hakimdi burynnan jaqsy tanımyn. Kózi ashyq, kókiregi oıaý, týra Hasen Oraltaı syndy naǵyz ALASHSHYL, TÚRİKSHİL, QAZAQSHYL  Márıam Hakim syndy Qazaq qyzyn men qashanda maqtan tutyp júremin.

Maǵan arnaıy jibergen bul ólsheýsiz syılyǵyna alǵystan basqa aıtarym joq!

Atalmysh kitap óte kólemdi (A-4 formatymen basylǵaneken) jáne túrik tilinde jazylǵan. Ara-arasynda bizdiń kırıllshe de maqalalar, óleńder, kóńil aıtýlar kezdesip qalady.Kitapta Hasen Oraltaı qaıtys bolǵanda óz qolymmen jazyp, «Dat» jobasynda, «Qazaqstan Kommýnısi», «www.tanym.tv» saıtynda jaryq kórgen: «Ómiri «elimaı-lap» ótken Hasen Oraltaı qaıtys boldy» degen maqalam, sol qazanamaǵa qol qoıǵan qazaqtyń belgili tulǵalary: Ǵabbas Qabyshuly, Serikbolsyn Ábdildın, QabdeshJumadil, Muhtar Shahanov, Ýaqap Qydyrhanuly, Fádlı Álı, Asydly Osman, Ǵazız Aldamjarov, Amangeldi Kerimtaev, Qıal Sabdalın, Ǵalymjan Jaqıanov, Tólen Tqtasynov, Jumash Kenebaı, Záýresh Battalova, Ermurat Bapı, Baqytgúl Mákimbaı, Tileýhan Májen, Raqym Aıypuly, Baýyrjan Jaqyp, Dos Kóshim, Bolat Dúısembiniń esimderi engen eken.

Sondaı-aq, basqa da elimizge tanymal adamdardyń estelikteri engizilgen. Olardyń arasynda Hasekeńniń qaramaǵynda «Azattyq» radıosynda qyzmert etken Saıasat Beıisbaıdyń, t.b. esimderi elge belgili qalamgerlerdiń de maqalalar bar. Bul kitap jóninde tolyq maǵlumatty aldaǵy ýaqyttardyń birinde oqı alatyn bolasyzdar.

Jumash KENEBAI