Qazaqstandyqtar boıjetkender kún kóris qamy úshin basshynyń oń qoly bolyp qana qoımaı, tipti onyń kóńildesi bolýǵa ashyqtan-ashyq kelisýge ázir, - dep habarlaıdy «Qamshy» portaly korrespondent.kz – ke silteme jasap.

Tipti olar ondaı qyzmeti úshin qansha jalaqysy alǵysy keletinin de jasyrmaǵan. Ǵalamtorda jumys izdep kelgen qyzdarmen bolǵan aldyn ala áńgemelesý barysynyń vıdeosy paıda boldy. Onda áıel azamaty jumys izdep kelgen jastarmen jeke sóılesip, 50 jastan asqan basshysyna kómekshi qajet ekenin jáne ol qyzmetker basshymen birge issaparlarǵa shyǵyp, tipti kóńildesi bolý kerektigin aıtady. Al jalaqyny jumys izdep kelýshiniń ózi belgileýin suraıdy.

Bir qyzyǵy, qyzdardyń keıbiri óz qyzmetine 250-300 myń teńge jalaqy jetkilikti dep sanaıdy eken. Áńgimelesýge tek qyzdar qatyspaǵan. Jigitter qaýymy óz aryn joǵary qoıatyn bolyp shyǵady. Jumys izdep kelgen jigit basshynyń kóńildesi bolýdan úzildi-kesildi qarsy bolǵan. Tipti ol jumys usynýshy taraptyń  mıllıon teńge kólemindegi jalaqy men páter, kólik beremiz degen usynysynan da bas tartqan.

Vıdeony júktegenderdiń málimetinshe, olar qazaqstandyq jastardyń basshylarymen ıntımdik qatynasqa degen kózqarastaryn bilý maqsatynda áleýmettik eksperıment jasap kóripti. Nátıjesinde áńgimelesýge kelgen 25 jastyń 60 paıyzy jumys berýshi taraptyń talabymen kelisken.