Bireýler bizdiń bıliktiń reseıshildigin Elbasy aıtqandaı "Reseımen máńgilik dostyǵymyzdan" dep emes, Máskeýge jaltaqtyǵynan kórip júr. Bılikten bastap barlyq salada Máskeýge jaǵymdy saıasat qalyptasqanyna qaramastan, qıt etse "Qazaqstannyń basyna da Ýkraınadaǵydaı qara bultty qaptatamyz" degen mazmunda tutastyǵymyzdy buzbaq nıette orysshyl-fashıster shýlap shyǵady.
Biraq, osy Máskeýi de, syrttaǵy, ishtegi shovınısik-reseıshilder de bir nárseni – tarıhtan sabaq alýdy eskermeı júr. Óıtkeni, burynǵylaryn bylaı qoıǵanda sońǵy júz jylda Reseı eki márte Qazaq eline qoqan-loqqy jasap, artynan jazasyn tartqan edi. Birinshisi, 1916 jyly Qazaqtan soǵystyń qara jumysyna adam alý týraly orys patshasynyń jarlyǵy bodandyqtaǵy Qazaq halqynyń Ult-azattyq kóterilisine ulasqany belgili. Sol Qazaqqa tısýden keıin kóp uzamaı patshalyq Reseı qulap, ydyrady. Bólshevıkter onyń 90 paıyzyn qaıta jınap KSRO degen orys ımperıasyn qurdy. KSRO degen de 1986 jyly Qazaq Eliniń bıligine oblystyq deńgeıdegi reseılik bir orysty ákelip qoıamyn, dep Qazaqtyń ashýyna taǵy tıdi. Nátıjesinde, KSRO degen ımperıa da ydyrap tarady.
Bıyl 2016 – Qazaq Ult-azattyq kóterilisiniń 100 jyldyǵy. Pýtlerlik Reseı eger Qazaqtyń jan ashýyna taǵy da tıer bolsa ne bolaryn oılaǵany jón. Oılamasa "Óler bala molaǵa qarap júgiredi" degendeı Qazaq eline tıisse Reseı Federasıasy birneshe jylda ydyrap qurıtynyn umytpaǵandary jón...
Amanǵalı Ábýovtiń «Feısbýktegi» paraqshasynan alyndy.
