Jaqsy tanıtyn bir azamat ańshylyq Qarý-jaraq dúkende jumys jasaıdy. Sonyń aıtýyna qaraǵanda bıznestiń bul túrimen negizinen orys azamattary aınalysady eken. Sońǵy kezde ańshylyqqa arnalǵan qarý túrlerimen, tipti Kalashnıkov avtomatyna deıin saýda belsendirek bola túsipti. Alýshylar baǵasyna qarap jatpaıdy. İshinde qazaqtar óte az.

«Informnapalm» saıtynyń jazýynsha Qazaqstanda áskerı-saıası ahýal nasharlap, reseıshil kúshterdiń jaǵdaıdy ýshyqtyrý yqtımaldylyǵy arta túsken. Qazaqstanda reseıshil kúshter belsendiliginiń arta túsýi barysyna jasalǵan saraptama sońǵy 1,5 jylda eldiń qazirgi bıligine aıtarlyqtaı qaýip tónip turǵandyǵyn baıqatady. Ásirese óz basym sýyq qarý ustaýǵa ruqsaty bar «Ohrannyı» kompanıalardan qorqamyn.

Qudaı onyń betin aýlaq qylsyn, búgingi tańda Qazaqstan aýmaǵynda «Qyrym» senarıine uqsas senarıdy iske qosýǵa ázir jaǵdaı qalyptasqan. Ol RF ishki saıası jaǵdaıy kúrt nasharlaǵanda nemese Qazaqstanda rejım aıaq-astynan ózgergen jaǵdaıda iske asýy yqtımal.

Munyń ústine okýpasıalanǵan Donbasta jaýyngerlik is-qımyldarǵa qatysqan qazaqstandyq azamattar «tájirıbemen» elge oralyp jatyr. Onyń ústine reseıshil kazak-slaván birlestikteriniń belsendiligi taǵy bar. Saıttyń jazýynsha Donbasta bandylyq qurylymdarda qyzmet etken qazaqstandyqtardyń 26 paıyzy – Óskemennen, 17 paıyzy Almatydan eken. Astana, Qostanaı, Qaraǵandy, Petropavlovsk qalalarynan da bar. 
Reseıshil toptardyń ishinde Nurlan Igenov degen myna sıaqty qazaq jigitter de bar kórinedi. Ol Donbasta reseıshilder jaǵynda soǵysqan. 
Sondyqtan da bıliktiń de, qazaq azamattarynyń da beı-jaı otyrýyna bolmaıdy. Qazaqstan táýelsizdigin saqtap qalatyndaı múmkindikterdiń bári qarastyrylýy kerek!

Marat Toqashbaevtyń Feısbýktegi paraqshasynan alyndy.