Menińshe, bizdegi kásibı mereke kúntizbesinde bir óreskel qatelik bar: mınıstrler kúni men depýtattar kúni joq (23 maýsymdaǵy memqyzmetshiler kúni sanalmaıdy, men tońyp sekirgen qarapaıym sheneýnikter men toıyp sekirgen mınıstrler arasyndaǵy aıyrmashylyqty jaqsy bilemin).
1 sáýirdi basybaıly mınıstrler men depýtattarǵa berý kerek!
Óıtkeni, olardyń ótirik aqparat berip, sóılegeni de, aıdaǵany bes eshki, ysqyryǵy jer jaryp, atqarǵany - bári, bári - kúlkiden basqa eshqandaı sezim týǵyzbaıdy.
Onyń ústine bizde qoǵamdyq saıası satıra janry da ólgen, bar "ıýmor" tósek pen qudaǵı arasyndaǵy qatynastardy qamtıdy. Otbasy, oshaqbasylyq ıýmorsymaq otandyq deńgeıge jete almaı jatyr. Qoǵamdaǵy oqıǵalarǵa kúlki men ájýa syndy qural arqyly baǵa beretin pamfletter oqymaǵaly qansha!
Sondyqtan da Kúlki kúni retindegi kásibı mereke solardyki, ıaǵnı, ózderi de bizge, qoǵamǵa ishteı kúlip júrgen dókeılerdiki bolý kerek! Sóıtip, bir-birimizge kúlip júreıik!

Tek meniń bul usynysymdy kúlip qabyl almasańyzdar boldy...

PS. Keı kezde olardyń tirligine qarap, jylaǵyń da keledi. Biraq ondaı kún taǵaıyndamaı-aq qoıalyq. Áıteýir, osy kúlkiniń arty jaqsy bolsyn!

Ámirjan Qosanovtyń «Feısbýktegi» paraqshasynan alyndy