Mańǵystaý oblysynyń Jetibaı kentiniń halqy ákimderin tútip-jep jiberýge az qaldy. Jetibaıdyń 400-ge jýyq turǵyny aýdan ákimi Aısaǵalı Nuǵymanovtyń "Halyqtyń 0,4 paıyzy ǵana jumyssyz" degen esebine ashýly. 14 myń halqy bar kenttiń resmı esepte tek 50 adamy ǵana jumyssyz. Alaıda, jastar jumyssyz, qarttar kúnin kórýden qaldy  degen júzdegen halyqtyń shýyna,  tushshymdy ýáj aıta almaǵan ákimder klýbtan qashyp shyǵýǵa májbúr boldy.

AǴZAM JUMSAQOV, Jetibaı aýylynyń turǵyny:

Aýdan ákimi 0,4 prosent depti. Komısıa shyqqanda, 40-50 prosentke jetip qaldy jumyssyzdyq.

QALAMQAS ERǴALIEVA, Jetibaı aýylynyń turǵyny:

Nursultan Ábishulynyń aıtqany: Munaıdan bir adam jumys jasasyn. Soǵan shúkir bolar edi. 5 balamen kúıeýim jumys jasamaıdy.

Jetibaıdyńtóńiregindemunaıoryndarykóp. Biraq, onda eldiń bárin alatyn jumys az. Sol sebepti halyq ákimdik jalǵan eseppen jumyssyzdyqty jasyrǵansha, jańa kásiporyndar ashsa deıdi. Al, Jetibaıdyń ákimi ondaı jerler bolashaqta ashylady deıdi.

Halyq pen ákimniń eki saǵattyq pikirtalasy naqty eshteńeni sheshken joq. El oblys ákimi kelmeı másele sheshilmeıdi degen soń, ákim men kómekshileri zaldy tastaı qashty.

Ákim zaldy tastaı qashqan soń, halyqta ony óksheleı qýǵannan basqa amal bar ma? Ujymdasqan el ákimdi kabınetine deıin qýyp bardy. Ákim olarǵa 65 adamdyq tigin sehyn, qonaq úı qurylysyna 120 adam, 120 áleýmettik jumys orny ashylatynyn aıtty. Al, oblystyq ákimdik Jetibaıda 50 jumyssyz, onyń jartysy jumysqa turyp úlgerdi degen málimet berdi.

Degenmen, Jetibaıdyń halqy áli de bolsa ákimdikten ýáde emes, naqty áreket kútip otyr.

31.kz