Kórisý — Batys Qazaqstan aımaǵynda ǵana saqtalǵan ejelgi dástúr. Jańa jyldy Baıbaqty Qazybek kúntizbesi boıynsha qarsy alatyn aımaq turǵyndary 14 naýryzdy «Kórisý (ıaǵnı qaýyshý) kúni» dep te ataıdy. Bul kúni aýyl turǵyndary erte turyp, eleń-alańnan jasy úlken adamdarǵa sálem beredi. Kórshi-kólem bir-birine «Jasyń qutty bolsyn!», «Jasyńa jas qosylyp, ǵúmyryń uzaq bolǵaı!» dep tilek aıtady. Kórisý kúni burynǵy ókpe-renish keshirilip, arazdyq umytylady, kórshi-kólem bir-birin iıeke asyna shaqyrsh, meımandardyń otbasyna, aǵaıyn-týystaryna amandyq-saýlyq, qut-bereke tileıdi. Kórisý — tek adamdardyń bir-birine amandasyp, jaqsylyq tileıtin qaýyshý merekesi ǵana emes, sondaı-aq jasy úlkenderge izet kórsetip, iltıpat bildiretin dástúrli kórinis. Óıtkeni, Kórisý salty bir kúnniń aıasymen shektelip qalmaıdy, jyl boıy jalǵasa beredi. Bul merekeni amal meıramy dep te ataıdy. Jyl qutty bolsyn, aǵaıyn!
Nazarlaryńyzǵa Ámirjan Qosanovtyń izgi tilektermen órilgen myna óleńin usynyp otyrmyz...
Jańa jyldaı jańartar bolmysty kim?
Jaratamyn Naýryzdaı jyl basynmen! Batys! Shyǵys! Ońtústik! Soltústigim! Kóriseıik, qanekeı! Bir jasyńmen!
