Qyrymdaǵy jaǵdaıdy qulshyna qarap otyryp, mynadaı suraq týdy. Reseıshil separatıster ustap júrgen júzdegen Reseı týlary, júzdegen metr joranyń jolaqtary táýelsiz elde qalaı paıda boldy? Olardy túndeletip, qolyna ıne-jip alyp, kóılegin jyrtyp, esh Qyrym turǵynynyń tikpegeni anyq. 30 metrlik týlardy ustap turǵandardy da kórdik. Ne bolsa da Ýkraınadaǵy jaǵdaıdan barlyq qazaq sabaq alýy tıis. Eldegi ózge elderdiń baıraqtary men týlarynyń keńinen taralýyna, aldaǵy 9 mamyr kúnine oraı bastalatyn "joranyń jolaqtaryn" taratýǵa, "Reseı", "KSRO" degen kıimderdi kıýge, olardyń emin-erkin satylýyna tyıym salý kerek. Sony únemi talap etý qajet. Uıattysy sol, kezinde birneshe oblys ákimshiligi búdjetten aqsha bólip, osy "joranyń jolaqtaryn" jasatyp, taratqany belgili. Atyraý sıaqty oblystar separatıstik baǵyttaǵy uıymdardy shaqyrtyp, qonaq qylyp, nasıhattap, bas alańdardy qoldan berip jatty. Saqtyqta qorlyq joq degen. Qazaq ultshyldarynyń aıta-aıta mezi qylǵan taqyryptarynyń barlyǵy saıyp kelgende shyndyqqa aınalyp jatyr. Ult múddesi, memleket tutastyǵy, táýelsizdigi máselesine kelgende jalpaqshesheısip, múláıimsýdiń esh qajeti joq. Aıbarlan Alash!