2000 jylǵy Sıdneı Olımpıadasynyń chempıony Ermahan Ibraımov 72 jyl buryn maıdanda qaza tapqan atasynyń beıitin Belorýssıanyń Vıtebsk qalasynan tapty, - dep habarlaıdy «Qamshy» portaly «Lıter» basylymyna silteme jasap.

Boksshy óz atasyn eshqashan kórmegenin, alaıda, onyń beınesi otbasynyń jadynda saqtalǵanyn aıtady. Maıdanger Orazymbet Ibraımov týraly buǵan deıin artynan kelgen qara qaǵazdan basqa derek bolmaǵan.

Ermahan Ibraımov  soǵysta qaza bolǵan atasyn jaqsy biledi. Alaıda ardagerdiń hattary, qujattary, marapattaýlary saqtalmaǵan.

«Eger osydan birneshe jyl burynǵy oqıǵa bolmaǵanda, biz izdeýdi áli de bastamaǵan bolar ma edik», - deıdi Ermahan Ibraımov.

«Biz ákem ekeýimiz 9 mamyrda sherýdi kórdik. Alańda ardagerler sherýi júrdi.  Kenet ákep jylap jiberdi, men onyń kóz jasyn alǵash ret kórdim.  Sonda ákem «Seniń atań tiri bolsa, múmkin ardagerlerdiń ishinde júrer edi. Men tipti ákemniń qaıda jerlengenin de bilmeımin.  Shynymdy aıtsam, janym aýyrady» dedi. Ákesinen qara qara qaǵaz kelgende ákem Saǵı Ibraımov 12 jasta eken.  Ol kún áli kúnge esinde», - deıdi boksshy.

Ermahannyń ákesi Saǵı Ibraımov «Ákem 48 jasta bolatyn. Biz onyń qaza bolǵanyna senbeı, ómir boıy kúttik. Onyń qaıda jerlengeninen de habarymyz joq»,-deıdi.

Birshama ýaqyt ótken soń Ermahan Ibraımov atasyna izdeý sala bastaıdy. Uly Otan soǵysy kezinde qaza tapqandardy ınternet arqyly izdeý salýǵa bolatynyn oqyǵan Ermahan iske kirisedi. Internet saıttaǵy «Soǵys jáne adamdar» forýmyna qosylyp, «atasynyń zıratyn izdeıdi».  Kútpegen jerden Vıtebsk oblysynyń izdeý júıesinen «Vıtebskten bosatý kezinde qaıtys bolǵan qatardaǵy jaýynger Orazymbet Ybyraıymov Vıtebsk oblysy, Vıtebys aýdanyndaǵy baýyrlastar zıratynda jerlengen» degen aqparat alady. Ermahan ákesimen jolǵa shyǵady.

Mınsk arqyly ushyp, Vıtebskke jetedi.

«Memorıaldyq zırat óte úlken, júzdegen qabir bar, - deıdi Ermahan Ibraımov.  Biz ol jerge barǵanda qabirdi ońaılyqpen tappasymyzdy túsindik. Ákem turyp jylaı berdi. Jergilikti jigitter jaıymyzdy surap, sosyn aýyldyń turǵyndary jınaldy.  Olardyń keńpeıildiligi sondaı, bizdi qoldady. Sosyn úlken dastarhan jaıyp, aýyl turǵyndaryna as berdik», - deıdi sportshy.

1941 jyldyń 22 maýsymynda fashısik Germanıanyń birden shabýyl jasap, KSRO-Vıtebsk oblystyq komıteti KP(b)B partıa jáne komsomol qyzmetkerlerine shuǵyl keńes ótkizdi. Qalany qorǵaý maqsatynda Qyzyl Ásker qataryna azamattar shaqyrylyp, jedel jumyldyrý kúshteri jasaldy.

1941 jyldyń 11 shildesinde nemistiń 39-shy motokorpýsy  Vıtebsk mańyndaǵy áli kúsheıip úlgermegen 19-shy áskerdiń qorǵanysyn buzyp, Demıdov, Dýhovshına jáne Smolensk baǵytynda shabýyldaýdy bastaǵan bolatyn.

Aqbota Musabekqyzy