Densaýlyq saqtaý mınıstrliginiń medısınalyq jáne farmasevtıkalyq qyzmetti baqylaý komıteti Almatydaǵy perınatologıa jáne balalar kardıohırýrgıasy ortalyǵynda júrgizgen tekserý barysynda 60 balanyń ólimine alyp kelgen jaǵdaıdy anyqtaı almady.

«Zań buzýshylyqtar boldy, biraq olar balalardyń ólimine esh áser etpegen. Negizinen olar qujattardy toltyrý sıaqty formaldy qyzmetterge baılanysty» dedi komıtet tóraǵasy Baýyrjan Baıserkın. Tekserý barysynda ortalyq ashylǵaly beri 57 balanyń ólimi anyqtalǵan, onyń ishinde 13 qyzylshaqa óli týǵan. Tekserý nátıjeleri boıynsha jınalǵan materıaldar Almaty qalalyq quqyq qorǵaý organdaryna berildi. Al Bostandyq aýdanynyń prokýratýrasy tekserýdiń nátıjesin jarıalamaǵan. Bul aýdannyń prokýratýrasy Almaty qalalyq perınatologıa jáne balalar kardıohırýrgıasy ortalyǵynda jyl basynan beri bala óliminiń 60-qa jýyq oqıǵasyn anyqtaǵan, onyń 30-y jańa týǵan náreste. Dárigerlerdiń boljamyna sáıkes, náresteler jatyrishilik ınfeksıadan shetinegen kórinedi. Alaıda quzyrly oryndar balalardyń ólim oqıǵalarynyń árbir faktisi boıynsha tekserý júrgizilip, kináliler, sonyń ishinde laýazymdy tulǵalar da mindetti túrde jaýapkershilikke tartylatyndyǵyn habarlady. Aıqyn