QR Parlament Májilisiniń depýtaty Gúljan Qaraqusova elde órship ketken jer daýyna jýrnalıserdi kinálap otyr, - dep habarlaıdy Qamshy.kz  Informburo.kz saıtyna silteme jasap.

Depýtat tilshilerge bergen suhbatynda, «tilshiler áý basta kontekst ishinen mátindi bólip alyp, zańnyń maǵynasyn qubyltyp bergen» dep qalam ıelerin kinálaıdy.

"Qazir máseleniń mán-jaıyn anyqtamaı, kontekst ishinen oıyńdy bólip alyp, maǵynasyn ózgertip berý sánge aınaldy. Jýrnalıser myqty sarapshy bolýy kerek. Men muny únemi qaıtalap kelemin. Sizder, jýrnalıser, taldaýǵa súıenýlerińiz kerek, óıtkeni, eń sońǵy sózdi halyqqa jetkizetin sizdersizder. Jer máselesine qatysty jaǵdaıdy eshkim saralaǵan joq, kontekstten qıyp alyp, ózderine yńǵaıly etip bere saldy. Saldarynan shyndyqqa janaspaıtyn pikirler aıtylyp jatyr" deıdi Qaraqusova.

Depýtattyń aıtýynsha, elge ınvestor tartý jumysy 2013 jyldan beri qyzý júrip jatyr. Alaıda ázirge nátıjesi kórinbegen.

"Qazir 2016 jyl. Bizge áli ınvestısıasyn kóterip eshkim kelgen joq. Aýylsharýashylyq jerleriniń tek 0,06 paıyzyn ǵana sheteldikter jalǵa alyp otyr. Onyń 2 paıyzy qyrǵyzdarda, 2 paıyzy ózbekterde, qalǵan 2 paıyzy eýropalyq elderdiń úlesinde" dep atap ótti májilismen.

Aıta keteıik, «daýly jerde júretin» depýtat Gúljan Qaraqusova buǵan deıin VI shaqyrylymyndaǵy Parlament Májilisiniń depýtatttardyń «Beıjiń saraıy» qonaq úıinde turýyna baılanysty pikirlerimen basy daýǵa qalǵan bolatyn. Bul joly jýrnalıserdi aıyptaǵan depýtat «jerimizdi jalǵa alamyz dep kezekte turǵan sheteldik ázirge joq" ekenin aıtty.