Kıikterdiń qyrylýy bıyl da qaıtalanýy múmkin, - dep habarlaıdy Qamshy.kz.  Astana arnasyna silteme jasap.

Aýyl sharýashylyǵy mınıstrligi ókilderi osylaı deıdi. Al byltyrǵy bókenderdiń neden qyrylǵany áli kúnge deıin anyqtalmaǵan. Bilim jáne ǵylym mınıstrliginde qurylǵan arnaıy komısıa naqty sheshimge kelmepti. 

Bul týraly Orman sharýashylyǵy jáne janýarlar álemi komıtetine qarasty basqarma basshysy Baqytbek Dúısekeev málimdedi. Mamandar aýa raıynyń dál byltyrǵydaı ekendiginen qaýiptenedi. Jaýyn-shashyn kıikterdiń qyrylýyna soqtyrǵan sebepterdiń biri bolýy múmkin degen boljam bar. Bas aıaǵy 300 myńǵa tarta kıiktiń 150 myńdaıy byltyr qyrylyp qaldy. Buǵan qatysty «pasterellez dertinen», «geptıl áserinen» degen túrli boljamdar aıtylǵan. Biraq naqty tujyrym áli joq. Sońǵy sanaq sáýir aıynda júrgizildi. Maýsymda qazaq dalasynda qansha kıiktiń qalǵany jarıa bolady. 

«Mamandardyń aıtýynsha, kıikterdiń bolǵan jerinde aýa raıynyń aıyrmashylyǵy joq sıaqty. 2015 jylǵy mamyr aıynan. Osyny eskere otyryp, biz bir qaýipti sezemiz», - deıdi QR ASHM orman sharýashylyǵy jáne janýarlar álemi komıteti basqarmasynyń bastyǵy Baqytbek Dúısekeev.