Astanadaǵy ulttyq panteon qurylysyna 79 mlrd teńge bólingen, - dep habarlaıdy Qamshy.kz «Astana» arnasyna silteme jasap.

Jańa panteonnyń tehnıkalyq ekonomıkalyq negizdemesiniń jalpy somasy osynsha qarajatty quraǵan.

Astanadaǵy jańa zırat qurylysyna 12 mlrd teńge jumsalmaq. Bul keshenniń alǵashqy bóligine ketetin qarjy. Kókshetaý baǵytyndaǵy aınalma tas jol mańynan túsetin qorymǵa 460 gektar jer berilgen. Atalǵan qarjy sonyń 118 gektaryna jumsalady. Onda musylmandar men hrıstıandardy jerleıtin bólek oryndar bolady jáne memorıaldy park turǵyzylady dep josparlanǵan. Jer telimderin Aqmola oblysynan Astana qalasynyń balansyna ótkizý rásimi júrgizilip jatyr. 

Taǵy bir iri aýmaqty shahardan 17 shaqyrym qashyqtyqtaǵy Qabanbaı batyr aýylynan qosý qarastyrylǵan. Sondaı-aq Ulttyq panteonnyń qurylysy jalǵasady. Jer qatynastary basqarmasynyń aqparyna qaraǵanda, halyqaralyq áýejaıdyń terıtorıasy da birshama keńeıtiledi. Sóıtip, aldaǵy ýaqytta Astana shaharynyń aýmaǵy 80 myń gektardy quramaq. 

Shyńǵys Bektemir, Astana qalasy jer qatynastary basqarmasynyń bólim basshysy: 

Jalpy qosylatyn jerlerdiń aýmaǵy 8719 gektar. Onyń ishinde 7300 gektar Maıbalyq kóliniń mańynda, ıaǵnı halyqaralyq áýejaıdyń artynda ornalasqan jerler. Sondaı-aq, QR Ulttyq panteony. Jańa qalalyq zırat. Ol 460 gektar. Ulttyq panteon Qabanbaı batyr aýyldyq okrýginiń mańynda ornalasqan. Al jańa qalalyq zıratqa keletin bolsaq, ol Talapker aýylynda ornalasqan.