Astana qalasy ákimdiginiń Jastar teatry 2016 jyldyń 26-27mamyr kúnderi Saıa Qasymbektiń «Teksizder» pesasynyń negizinde qoıylǵan «Lıft» psıhologıalyq dramasynyń premerasyn ótkizedi, - dep habarlaıdy Qamshy.kz.

Qoıylymnyń qoıýshy rejıseri - Qazaqstannyń eńbek sińirgen qaıratkeri,  Bekbolat Qurmanǵojaev. Qoıýshy sýretshisi – Erlan Tuıaqov.

 Bizdiń zamanda adamnyń quny qansha turady?  Túbi qaıdan shyqqanyn bilmeıtin «teksizder armıasyn» ulǵaıtyp jatqandar kimder?..

Búgingi qoǵamnyń eń úlken hám asa qaterli derti – jetim bala, tastandy urpaq pen tamyr teksizdenýiniń negizgi túıtkilderine psıhologıalyq turǵydan tereń taldaý jasaıtyn qoıylym  kórermen kókeıindegi kezek qúttirmeıtin osyndaı ózekti máselelerge jaýap izdeıdi. Ómirdiń ashshy aqıqatyn óner arqyly jas urpaq sanasyna sińirýge talpynady.   

Spektákldi tanystyrý maqsatynda 26 mamyr kúni teatrdyń konferensá zalynda BAQ ókilderimen kezdesý uıymdastyrylady. Baspasóz jıynyna qatysýshylar:

1. Bekbolat Qurmanǵojaev – Qazaqstannyń eńbek sińirgen qaıratkeri, qoıylym rejıseri;
2. Saıa Qasymbek – Qazaqstan  Respýblıkasynyń óner qaıratkeri, pesa  avtory;
3.  Erlan Tuıaqov – Bas sýretshi;
4. Ádil Ahmetov – teatr akteri, Memlekettik «Daryn» Jastar syılyǵynyń laýreaty, Memlekettik Prezıdent stıpendıasynyń ıegeri;
5. Aıym Júsipbekova – teatr aktrısasy.