Elbasynyń mektep bitirgenine bıyl 58 jyl boldy, - dep jazady reactor.inform.kz Aqordanyń baspasóz qyzmeti Feısbýktegi paraqshasyna silteme jasap.
Búgin elimizdegi mektepterde sońǵy qońyraý úni syńǵyrlap, jasóspirimder altyn uıasymen qoshtasýda. Osyǵan oraı, alpys jylǵa jýyq ýaqyt burynǵy kezeńge oısha sheginis jasap, Nursultan Ábishuly Nazarbaevtyń oqýshy kezinen estelik - 1958 jylǵy fotosýretti usynyp otyrmyz. Bul - Abaı atyndaǵy mektep-ınternattyń 21-shi túlekteriniń sýreti. Oqý isiniń meńgerýshisi Seıithan Isaevtyń oń jaǵyndaǵy bozbala - Nursultan Ábishuly.
Oqýshy Nursultan týraly onyń ustazy men synyptastary tómendegideı syr shertedi:
Seıithan Isaev, N.Á.Nazarbaevtyń ustazy:
- Ol kezde búkil oqý prosesi, synyptan tys jumystardyń bári oqý isiniń meńgerýshisine júkteletin. Ózime qıyn bolǵandyqtan, maǵan pıoner uıymy men komsomol uıymynyń músheleri kómektesetin. Al ol uıymdardy ózin tyńdata alatyn, aıtqanyn oryndata alatyn shákirt basqaratyn. Sondaı shákirt Nursultan Ábishuly boldy.
Keńes Baıbosynov, N.Á.Nazarbaevtyń synyptasy:
- Emtıhan kezinde Nursultannan kóshirdik. Jasyratyn nesi bar? Bizde ol kezde barlyq sabaqtardan emtıhan bolatyn. Sol kezde kómektesetin. Ózim shyǵara almaǵan esepti, Nurekeń shyǵarsa, nege kóshirmeımin? Kóshiremin!
Saılaýbek Qydyrálıev, synyptasy:
- Demalys kúnderi bı keshterinen qalmaıtynbyz. Nursultan tamasha bıleıtin. Ol kezde kim jaqsy oqıdy, qyzdar soǵan qaraı júgiretin edi ǵoı. Al Nurekeń mektepti «altyn medalmen» bitiremin dep, sabaqtan bas almaı otyratyn. Oqýǵa zerek, baıan, dombyra tartatyn Nursultan Nazarbaevqa qyzdardyń kóbi ǵashyq boldy.
Raıa Ǵarıfqyzy, synyptasy:
- Sol mektepte oqyp júrgen kezderde-aq Nursultannyń kóshbasshylyq qasıetteri erekshelenip turatyn.
