Jyltyraq jýrnaldardyń betinen túspeıtin qaltaly kelinshek qalaı ómir súredi? Ár maýsymda kıimine 70 myń dollar jumsaıtyn Evgenıa Djonson NUR.KZ portalyna óziniń qalaı hanshaıymǵa aınalǵanyn aıtyp berdi, - dep habarlaıdy Qamshy.kz.

Qalaı hanshaıym bolýǵa bolady?

Bala kezimde men gınekolog bolǵym keldi. Alaıda uzaq oqý kerektiginen seskendim. Anam meni tilder úırenýge baýlydy. Almatydaǵy Shet tilderi ınstıtýtynda bilim alyp, repetıtorlyqpen aınalystym.

Keıin Ýkraınada bilimimdi jalǵastyryp, BP international sheteldik kompanıasynda is-tájirıbeden óttim. Keıin sol kompanıanyń basshysy qyzmetin atqarǵan aǵylshyn azamatyna turmysqa shyqtym.

Bolashaq kúıeýim men Almatyǵa ketip qalǵanda maǵan kóńili baryn baıqatty. Almatyda jobamen issaparǵa kelgen kezinde ekeýimiz kezdese bastadyq. Ol kezde 19-da bolatynmyn. Al kúıeýimniń menen jasy aıtarlyqtaı úlken. Bir jyldan keıin nekemizdi qıdyq. Biraz ýaqyt onyń aýdarmashysy bolyp jumys istedim. Keıin kúıeýim jumys isteýime qarsy boldy.

Taǵy bir jyldan keıin uldy boldyq. Búginde ol segizde jáne Almatydaǵy halyqaralyq mektepte bilim alady. Bolashaqta Londonda oqytamyz.

Men qarapaıym otbasynanmyn. Ákem - áskerı adam. Meniń jolym boldy.

Baı áıeldiń bir kúni qalaı ótedi?

Sulýlyq salondaryna baramyn, kezdesýler uıymdastyramyn. Jaqynda Ál-Farabı kóshesindegi úıimniń dızaınyn ózgertýge kiristim.

Buryn meıramhanam bolatyn. Úsh jyl bul bıznespen shuǵyldandym. Búginde eshqandaı bıznes bastaǵym kelmeıdi. Bolashaqta Almatyda tanymal brendtiń býtıgin ashamyn degen oı bar. Saýyq keshterge ǵana baryp, óz deńgeıimdi túsirip almas úshin bızneske den qoıý kerek. Qaıyrymdylyqpen aınalysamyn - jaǵdaıy tómen otbasylaryna kómektesemin.

Jıi Londondaǵy sán kórsetilimderine baramyn. Parıjge de jıi bas suǵamyn.

Úıdi ózim tazalamaımyn. Bir ret úı qyzmetkerin taba almaǵanymda, ózim jınamaq boldym. Tańǵy jetiden bastap, túngi on ekide bir-aq tazalap bitken edim. Qatty ashýly bolǵanymdy kórip, kúıeýim úı qyzmetkerinsiz bolmaıdy dep sheshti.

Arasynda kúıeýime taýyq etinen taǵam ázirlep turamyn.

70 myń eýrolyq kostúm

Meniń súıikti brendim - Dolce & Gabbana, Versache, Fılıpp Pleın.

Men satyp alǵan eń qymbat kıim – Alta Moda-nyń beldemshesi. Ol - 70 myń eýro turady. Venesıadan satyp alǵanmyn. Ár maýsym saıyn kıimderimdi 70 myń dollarǵa jańartyp turamyn. Kúnine shamamen 150 myń teńgeni salondarǵa jumsaımyn.

Kólikti eki jylda bir ret jańadan satyp alamyn. Búginde Range Rover kóligin minip júrmin. Kúıeýim Mazerattı al deıdi, alaıda men jaı Mersedesti unatamyn.

Anamdy ózim qarajatpen qamtamasyz etip otyramyn.

Djonson otbasyndaǵy dástúrler

Jeksenbi - otbasy kúni. Tabıǵatqa shyǵamyz. Londonǵa kúıeýimniń otbasyna jıi baryp turamyz. Jańa jylda jyly jerlerge saıahattaımyz.

Maǵan Italıa, Gresıa, Avstralıa unaıdy.

Jaqynda Italıaǵa baryp, Dolce & Gabbana-nyń is-sharasyna qatysamyz. Oǵan Sofı Loren de kelýi tıis.

Jyl saıyn Elızaveta hanshaıym baratyn handyq at shabystaryna baryp turamyz.

«Kúıeýime syılyq almaımyn»

Kúıeýim maǵan jıi tosyn syılar jasap turady.

Onyń maǵan bergen eń qymbat syılyǵy – Rolex Rainbow (77 750 eýro turady) saǵaty.

Men kúıeýime tek bir ret syılyq jasadym. Tabıǵatqa alyp shyqtym. Tipti týǵan kúnine syılyq alǵan emespin. Ul syıladym oǵan, odan artyq ne kerek?