Ústimizdegi jyldyń 18-20 mamyr aralyǵy Kókshetaý qalasyndaǵy Sh.Qusaıynov atyndaǵy oblystyq Qazaq drama teatrynda Aqan seri atyndaǵy mádenıet kolejiniń 60 jyldyǵyna oraı Qazaqstan Respýblıkasy jáne Reseı Federasıasy oqý oryndarynyń stýdenttik ujymdary men teatr jastarynyń II Halyqaralyq "Dıdar" teatr óneriniń eksperımentaldyq festıvál - laboratorıasy ótti, - dep habarlaıdy Qamshy.kz.

Oǵan  Aqtóbe qalasynan AGÝ Tarlan koleji "AL*ART" stýdenttik teatr Evrepıd jelisi boıynsha "Medeıa" jáne A.P.Chehov "Qarańǵylyq", A.Volodın "Mahabbatty baǵala"; Petropavl qalasynan Gý SHOD-óner kolej kesheni, V.Krasnogorov "Rejıser massovyh zrelısh", Almatydan T.Júrgenov atyndaǵy Qazaq ulttyq óner akademıasy Ý.Shekspır "Makbet", Lý Shýn "Qoıanshyqtyń qoljazbasy", Q.Qasenov "Armanshyldar" jáne "Almaty-Musik" teatry "Jazyǵym ne meniń, anashym?", Ǵ.Músirepov atyndaǵy Qazaq memlekettik akademıalyq balalar men jasóspirimder teatry E.Amanshaev "Ol" monospektakli, Kókshetaýdan Aqan seri atyndaǵy mádenıet koleji R.Muqanova "Máńgilik bala beıne", A.S.Pýshkın "Moı Pýshkın", M.Chehov "Medved", Ý.Shekspır "Romeo men Djýletta"; Marıı-El Respýblıkasynan I.S.Palantaı atyndaǵy mádenıet jáne óner koleji E.Isaeva "Pro moıý mamý ı pro mená" úzindileri men eksperımentaldi qoıylymdar qatysyp, baq synasty.   

Festıválde baǵdarlama boıynsha eksperımentaldi qoıylymdarmen qatar túrli sheberlik synyptar uıymdastyryldy. Iaǵnı, festıvál tek spektákl kórsetýdi ǵana maqsat tutpaǵan. Onyń basty nysanasy - teatr óneriniń deńgeıin kóterip, ony damytý úshin  tájirıbe almasý, pikir alysý.     Festıvál jastyqtyń jalyn atqan jańa býyn jastardyń qatysýymen formattary bir-birine uqsamaıtyn ár túrli  qoıylymdarmen erekshelenedi. Solardyń ishinde Ǵ.Músirepov atyndaǵy Qazaq memlekettik akademıalyq balalar men jasóspirimder teatry qoıǵan E.Amanshaevtyń "Ol" monospektakli ónersúıer qaýymnyń kózaıymyna aınaldy. Qoıylymnyń kórkemdik-ıdeıalyq maqsaty –qazirgi áleýmettik qoǵamǵa saı sanaly urpaq, salıqaly tulǵa qalyptastyrý. Bul spektákldiń kórermenge rýhanı azyq berýde mańyzy orasan zor ekendigi qoıylym barysynda aıqyndaldy.   

Rejıser Erlan Káribaevtyń traktovkasy boıynsha jeke adamnyń san túrli oılary men onyń maǵynasyz taǵdyrynyń ózi búgingi zamandaǵy áleýmettik qaıshylyqtardy kórsetedi. Basty roldegi akter Danıar Bazarqulov – "Ol" keıipkeriniń ómirden óz ornyn izdegen fılosofıalyq tolǵanysyn, shynaıy shyndyqtyń qupıasyn jan-jaqty qarastyrýǵa umtylǵan ishteı tartysy festıvál kórermenderin tolǵandyrdy. Al, Jansulý Tólegen oryndaýyndaǵy qobyzdyń muńly úni qoıylym atmosferasyn jandandyrdy. Bul spektákl qazylar alqasynyń sheshimimen "Eń úzdik qoıylym" júldesin jeńip aldy. Jalpy, fectıvalge qatysqan óner ordalary men jan-jaqtan jınalǵan kórermen qaýym spektáklderdi kórip qýattanyp, rýhanı azyq aldy. Osyndaı tájirıbe arttyratyn óner saıystary ary qaraı óz jalǵasyn tabatynynyna senimimiz mol.