Ábdiýaqap Qara, Túrkıadaǵy Mımar Sınan kórkemóner ýnıversıtetiniń profesory, tarıh ǵylymynyń doktory, túrkitanýshy, Mustafatanýshy. Ol 1961 jyly 19 qarashada Túrkıanyń Stambul qalasynda týǵan. 1982 jyly Boǵazıchı ýnıversıtetiniń Elektronıka bólimin bitirdi. Eńbek jolyn Stambýl qalasyndaǵy Atatýrk áýejaıynda elektronıka departamentinde tehnık maman bolýdan bastady. 1986 jyly Stambul ýnıversıtetiniń tarıh fakúltetin bitiredi. 1986-1988 jyldary Stambulda «Qazaq túrkileri qorynda» basqarý alqasy músheligine saılanady. 1987-1988 jyldary Stambuldaǵy Osman Memleketi muraǵatynda jumys isteıdi. 1988- 1995 jyldary Germanıanyń Múnhen qalasyndaǵy «Azattyq» radıosynyń qazaq redaksıasynda jumys istedi. 1994 jyldary Múnhen qalasynda «Evropa Qazaqtary» degen atpen kitapsha shyǵarǵan. 1995 jyly Germanıadan Túrkıaǵa qaıtyp, Mımar Sınan ýnıversıtetine oqytýshy jáne ǵylymı qyzmetker retinde jumysqa kirdi. 1997 jyly osy ýnıversıtette «1986 jylǵy Jeltoqsan oqıǵalary» atty magıstrlik, 2002 jyly «Mustafa Shoqaıdyń ámiri men kúresi» taqyrybynda doktorlyq dısertasıa qorǵady. Osy jyldyń qarasha aıynda doktorlyk dısertasıasy «Túrkistan jalyny. Mustafa Shoqaıdyń ómiri men kúresi» degen atpen Stambulda jaryq kórdi. 2004 jyly bul kitap qazaqshaǵa aýdarylyp, «Mustafa Shoqaı. ómiri, kúresi, shyǵarmashylyǵy» degen atpen Almatyda «Arys» baspasynan jaryq kórdi.

Sýret: Abdulvahap Kara-nyń Facebook-taǵy jeke paraqshasynan alyndy