Úkimet janyndaǵy Jer komısıasynyń múshesi Januzaq Ákim komısıa jumysyn aqparat quraldarynda kórsetýdegi kemshilikterdi aıtty, - dep habarlaıdy Qamshy.kz.

«Myna jumysymyzdy aqparat quraldary bir jaqty túsindirýde. El «Habar» arnasyn kórýden sharshady. Qazir olar «Bizde barlyǵy tamasha, ómirimiz keremet!» degen sıaqty habarlar taratady. Osynda 70 adam otyrsa, solardyń barlyǵynyń aıtqandary kórsetilýi kerek», - deıdi J. Ákim. Osy oraıda, komısıa múshesi jer daýyna qatysty arandatýshylyq sıpattaǵy aqparattar taratyp otyrǵan «Eýrazıa» arnasynyń jumysyna da bılik organdarynyń nazaryn aýdartty.

Komısıa múshesi sondaı-aq, komısıadaǵylardyń óńirlerge saparyn uıymdastyrýǵa qatysty da usynysyn aıtty.

«Bizge deıin parlament depýtattary da bardy ǵoı óńirlerge. Olar ne qatyrdy? Baryp kúlki bolyp qaıtty. Ákimdikke baryp, ákim shaqyrǵan adamdardyń aldynda sóıleýdiń túk qajeti joq. Biz, komısıa músheleri ákimdik shaqyrǵan adamdarmen emes, jalpy halyqpen júzdesýdiń jolyn izdeýimiz kerek», - deıdi ol.

J. Ákim myrza, sonymen qatar, Qazaqstandaǵy qala turǵyndaryna 10 sotyq, aýyl turǵyndaryna 20 sotyq turǵyn úı salatyn jerlerdiń áli kúnge berilmeı kele jatqanyn aıtyp, osy máseleni jaqyn arada sheshsek, bul naǵyz naqty qadam bolar edi degendi aıtady.

Sondaı-aq, komısıa múshesi narazylardy qýdalaý men olarǵa taǵylǵan aıyptardyń da eldiń mazaǵyna aınalǵanyn atap ótti. Sóziniń sońynda J. Ákim osyǵan deıin jer satý, jalǵa berýge qatysty máselelerdiń anyq-qanyǵyna kóz jetkizý úshin komısıa jumysyna Úkimet basshysy men Qaýipsizdik keńesiniń hatshysy kelip, túsinik berýin talap etti.