«Ksell» AQ activ music, activ TV jáne activ usynatyn Bookmate (OTT-servıster) atty jańa servıster jumysynyń alǵashqy nátıjesin shyǵardy, - dep habarlaıdy Qamshy.kz.
2016 jyldyń aqpan aıynyń basynda kópshilikke tanystyrylǵan jańa oıyn-saýyq qosymshalary Kcell jáne activ abonentterine kez kelgen jerde jáne kez kelgen ýaqytta súıikti ánderin tyńdap, kitap oqyp, telearna qaraýǵa múmkindik beredi.
BAQ ókilderimen ótken kezdesý barysynda «Ksell» AQ basshylyǵy OTT-servıster iske qosylǵannan bergi úsh aı ishinde qosymshalarǵa jazylǵandardyń qatary elý myń adamǵa jýyq kórsetkishti kórsetkenin atap ótti.
«Jańa servısterdiń abonentter tarapynan úlken suranysqa ıe bolǵanyn kórip otyrmyz, oǵan tanystyrylymnan bergi ýaqyt ishinde kóptegen adamnyń jazylýshy atanǵany dálel. Qosymshalarymyzdyń qoldanýshylar ómirine sán qosyp, ýaqytty kóńildi ótkizýde kómekke kele alatynyna senimdimin, sebebi activ usynatyn oıyn-saýyq endi sizdiń janyńyzda», - dep atap ótti «Ksell» AQ bas atqarýshy dırektory Artı Ots.
Jańa servıster arasynda activ usynatyn Bookmate eń tanymal qosymsha bolyp otyr: aqpan aıynan beri 25 myń adam bul qyzmettiń jazylýshysy atanǵan. 18 myń adam activ music-ke jazylsa, 6 000 qoldanýshy activ TV servısiniń kórermeni bolý týraly sheshim qabyldaǵan.
Telearnalardy yńǵaıly jolmen kórýge múmkindik beretin activ TV servısiniń eń kóp qaralǵan TOP-3 tiziminde 31 arna, 7 arna jáne KTK kósh bastady. «Sport» qosymsha toptamasy da Kcell jáne activ abonentteri arasynda tanymal bolyp otyr.
Alǵashqy úsh aıdyń qorytyndysy boıynsha activ usynatyn Bookmate servısinde qazaqstandyq qoldanýshylardyń suranysyna ıe bolǵan kitaptardyń TOP-10 tizimi anyqtaldy. Reıtıńtegi alǵashqy orynda aǵylshyn jazýshysy Djodjo Moıestiń «Senen keıin» atty kitaby tur. Ekinshi orynǵa Steıs Kramerdiń «Ózime qol jumsaǵanǵa deıin 50 kún» atty shyǵarmasy jaıǵasty. Amerıkandyq psıholog Robert Chaldınıdiń «Yqpal etý psıhologıasy» oqý quraly úshinshi orynnan kórindi. Sondaı-aq Stıven Kovıdiń «Joǵary nátıjeli adamdardyń jeti ádeti. Jeke tulǵany damytýdyń qýatty quraldary» kitaby, Gregorı Devıd Robertstiń «Shantaram» romany, tanymal amerıkandyq júrgizýshi Stıv Harvıdiń «Áıel sekildi is istep, erkek sıaqty oılan. Er adamdar ne sebepti ǵashyq bolady, biraq úılenbeıdi jáne basqa da er-azamattardyń qupıalary» shyǵarmasy, «Senimen kezdeskenge deıin» atty Djodjo Moıestiń taǵy bir eńbegi, Stıv Harvıdiń «Er adamdar týraly eshteńe bilmeısiz» kitaby jáne jazýshy Djon Grınniń «Juldyzdar kináli» romany TOP-10-qa kirdi.
