Almatyda 16 mıllıon teńgesimen urlanǵan seıfke qatysty málimet bergen adamǵa syıaqy taǵaıyndaldy , - dep jazady Qamshy.kz.
Almaty qalasy Almaly aýdanyndaǵy páterlerdiń birine 25 sáýir kúni ury túsken. Belgisiz úsh adam ol páterden turmystyq tehnıka, altyn buıymdarmen birge ishinde 16 mıllıon teńge aqshasy bar seıfti de urlap ketken. Úı ıesi urylar seıfti shańsorǵyshtyń qorabyna salyp alyp shyqqan. Bolǵan oqıǵa páter men turǵyn úı kireberisindegi beınebaqylaý kameralaryna jazylyp qalǵan.
Úıi tonalǵan azamat Raýan Ábdirahmanov 16 mıllıon teńge aqshamen birge úıinen urlanǵan zattardyń jalpy qunyn 17 mıllıon teńgege baǵalap otyr.
R. Ábdirahmanov qylmyskerler týraly qandaı da bir málimet usynǵan adamǵa 350 myń teńge kóleminde syıaqy berýge ázir ekendigin aıtady.
«Bul jerde meniń maqsatym tek óz dúnıemdi taýyp alý ǵana emes. Sońǵy ýaqytta osyndaı páter tonaýshylar týraly jıi estıtin boldyq. Tipti, urylar úıdiń aınalasyndaǵy beınekameralardan da seskenbeıtin bolǵan. Ol kameradaǵy jazbalarda qylmyskerlerdiń túr-tulǵasy, bet álpeti anyq kórinedi. Men azamattardy olardy izdeýge, sol arqyly urylardyń ustalýyna kómektesýge shaqyramyn. Sol maqsatta óz tarapymnan urylar týraly málimet bergen adamǵa 350 myń teńge syıaqy berýge ázirmin», - deıdi ol.
Páter tonaýshylar týraly qandaı da bir maǵlumat biletin azamattar tómende kórsetilgen baılanys quraldary arqyly R. Ábdirahmanovqa habarlasa alady.
El. poshta: M.rauan@gmail.com, telefondar (727) 254-46-12, (727) 254-46-14 – Almaly AİİB kezekshi bólimi;
