Polıseıler Qazaqstan-Amerıkandyq erkin ýnıversıtetiniń bıyl sáýirde qyrýar qarajatpen joǵalǵan stýdenti Aqjol Serikti Qaraǵandynyń mańyndaǵy aýyldan tapty. Jigit 26 mamyrda tabylǵan, - dep habarlaıdy Qamshy.kz Tengrinews.kz-ke silteme jasap.

Shyǵys Qazaqstan oblystyq İİD ókilderi 23 jastaǵy stýdentti búkil aımaq boıynsha izdegenin aıtty. Polıseıler Aqjoldy sońǵy ret Semeıde júrgen kezinde túsip qalǵan vıdeodan baıqaǵan. Er adam jergilikti avtobekettiń mańynda bolǵan.

"Polıseıler izdeýde júrgen stýdent basqa óńirge ketip qaldy degen boljam jasap, ol boljamy durys bolyp shyqty. Ony izdeý boıynsha úlken jumys atqaryldy. Ony Qaraǵandydan alpys shaqyrym qashyqtyqta ornalasqan aýyldan aman-esen tapty. Polıseıler ony úıine jetkizdi", - dedi vedomstvonyń baspasóz qyzmetiniń jetekgisi Baqytjan Torǵaev.

Aqjoldyń týystary bul oqıǵaǵa qatysty pikir bildirýden bas tartypty.

Óskemende Qazaqstan-Amerıkandyq erkin ýnıversıtetiniń stýdenti belgisiz jaǵdaılarda joǵalǵan edi. Týystary onyń joǵalǵan kúni qolynda qyrýar qarajattyń bolǵanyn aıtqan edi. Aqjol Serikti izdeýge eriktiler de qosyldy. Olar stýdenttiń sýretterin qala boıynsha ilgen bolatyn.