Óskemende belgisiz bireýler jergilikti áıeldiń páterine kirip, 15 mıllıon teńge urlap ketken. Qalalyq krımınaldyq polısıa qyzmetkerleri kúdiktilerdi qysqa merzimde anyqtap, úshinshi táýlikte qylmysqa qatysy bar barlyq adamdar ustaldy, - dep habarlaıdy Qamshy.kz oblystyq İİD-ne silteme jasap.
Olar Glýbokov aýdanynyń úsh turǵyny bolyp shyqty - 28 jáne 32 jastaǵy aǵaıyndylar men olardyń 35 jastaǵy aýyldasy. Olar birge turǵan Óskemendegi jaldamaly páterden polıseıler urlanǵan aqshanyń bir bóligin tapty. Aǵaıyndylardyń bireýi jáne onyń aýyldasy buryn urlyq jasaǵany úshin sottalǵan.
Urylar qalalyq İİB-niń ýaqytsha oqshaýlaǵyshyna qamaldy. Sot aldyndaǵy tergeý amaldary júrgizilýde.
